Deputeti i Nismës socialdemokrate, Endrit Shala ka thënë se Hashim Thaçi dhe Kadri Veseli me bashkëluftëtarë janë çlirimtarët e vendit.
Shala përmes një postimi në Facebook, u doli në mbrojtje presidentit të vendit dhe liderit të opozitës pas njoftimit se është ngritur aktakuzë nga Zyra e Prokurorit të Specializuar, kundër tyre dhe se ata dyshohen për rreth 100 vrasje gjatë luftës në Kosovë.
“Sot Hashim Thaçi e Kadri Veseli nuk janë vetëm Presidenti dhe lideri i opozitës, ata dhe bashkëluftëtaret e tyre janë çlirimtarët e vendit tonë, e si të tillë janë vetë liria jonë ! Përjetësisht, Rroftë UÇK- ja”, shkruan Shala.
