×
  • Lajme
  • Lajme

    Serwer: Biden mbështetës më i fuqishëm sesa Trump i sovranitetit dhe integritetit të Kosovës

    FrontOnline
    21 Qershor 2020

    Nga takimi 27 qershorit i krerëve të Kosovës dhe Serbisë në Uashington, pritet shumë, ku sipas emisarit special amerikan në dialog, Richard Grenell, do të diskutohet vetëm çështjet ekonomike.

    Por, analisti dhe eksperti amerikan për Ballkanin, Daniel Serwer, nuk beson në paralajmërime të tillë nga administrata amerikane.

    “Duhet të presim dhe të shohim. Do të isha i lumtur nëse diskutojnë çështje ekonomike siç janë heqja e barrierave tregtare-doganore dhe zbatimi i marrëveshjeve teknike, që janë arritur tashmë midis Kosovës dhe Serbisë”, ka thënë Serwer në një intervistë për portalin serb ‘KosovoOnline’.

    Ai ka komentuar edhe deklaratën e Richard Grenell se ideja për korrigjim të kufijve ishte e ish këshilltarit të Trump për Siguri, John Bolton.

    “Nëse kjo është një përpjekje për të përmbylljen e bisedimeve për ndryshimin e kufijve, mirëpres deklaratën e zotit Grenell, për shkak të identifikimit të korrigjimit të kufijve si një ide e keqe. Sidoqoftë, kjo administratë nuk njihet për atë se thotë të vërtetën. Do të duhet të presim dhe të shohim se çfarë ndodh”, tha ai.

    Lidhur me mundësinë e arritjes së një marrëveshje midis Kosovës dhe Serbisë deri në fund të këtij viti, Serwer se, “mund të kem të gjitha llojet e marrëveshjeve midis Kosovës dhe Serbisë para zgjedhjeve në SHBA, kjo është ajo që dëshiron Grenell”.

    “Mirëpo, pak ka gjasa që të arrihet një marrëveshje për njohjen reciproke dhe hyrjen [e Kosovës] në KB, të cilat janë çështje të mëdha”, shtoi ai.

    Serwer ka folur edhe lidhur me atë nëse do të ndryshojë qasja e SHBA ndaj çështjes së të Kosovës, nëse Trump i humb zgjedhjet presidenciale.

    “Po (do të ndryshojë). Biden do të jetë një kundërshtar i vendosur i çdo ndryshimi kufijsh për të kënaqur dallimet etnike në Ballkan dhe gjetkë. Ai do të jetë një avokues shumë më i fortë i sovranitetit dhe integritetit territorial të Kosovës, sesa ishte zoti Trump, dhe do të mbështesë fuqimisht kërkesën e Serbisë për në BE, si dhe bashkëpunimin e ngushtë të SHBA-së me BE-në në Ballkan dhe gjetkë”, tha Serwer. /Telegrafi/

    One Stop Shop i Petrol Company, një market ndryshe në Kosovë
    Nga Rubrika
    Lajme28 Maj 2024
    Szunyogu takohet me kryetarin e Klinës, e përgëzon për performancën dhe transparencën në buxhet Ambasadori i BE-së në Kosovë, Tomas Szunyog, e...
    Lajme28 Maj 2024
    Në Dhomat e Specializuara të Kosovës (DhSK) në Hagë, ka filluar dëshminë dëshmitari i 68-të i Zyrës së Prokurorit të Specializuar, Jan...
    Lajme28 Maj 2024
    Shefja e grupit parlamentar të Vetëvendosjes, Mimoza Kusari-Lila dhe ministrja e Punëve të Jashtme, Donika Gërvalla, kanë udhëtuar bashkë drejt Kanadasë për...
    Të tjera
    Lajme28 Maj 2024
    Prokuroria Speciale e Kosovës, ka ngritur aktuakuzë në Gjykatën Themelore të Prishtinës ndaj dy personave, shkruan FrontOnline. Sipas Prokurorisë së Speciale, thuhet...
    Lajme28 Maj 2024
    Kryetari i Komunës së Zubin Potokut, Izmir Zeqiri pasi janë bërë një vit që është në detyrën e kryetarit të kësaj komune,...
    Lajme28 Maj 2024
    Policia e Kosovës ka njoftuar se ka arrestuar A.L, njërin nga gjashtë personat që ishin në kërkim nga autoritetet. A.L dyshohet për...
    Lajme28 Maj 2024
    Ekipi i volejbollit të Maqedonisë është përballur me një situatë të të rrezikshme gjatë ditës së djeshme, pasi rrufeja ka goditur aeroplanin...
    Lajme28 Maj 2024
    Ministria e Zhvillimit Rajonal ka lansuar shpalljen publike për skemën e granteve. Zëvendësministri i Zhvillimit Rajonal, Ali Tafarshiku,  ka deklaruar se tashmë...
    Lajme28 Maj 2024
    “Sapo që Serbia t’i vë sanksione Federatës Ruse, atëherë do të ishte një moment kur ata mund të tregojnë se duan të...

    FrontOnline, © 2024 Të gjitha të drejtat e rezervuara.