Zëvendëskryeministri Driton Selmanaj gjatë seancës së sotme të Kuvendit të Kosovës, ka thënë se vet procesi i votimit të marrëveshjeve ndërkombëtare është kompleks, raporton Front Online.
“Kur vet kërkesa kushtetuese që për marrëveshje ndërkombëtare kërkohen 2/3 e votave, unë mendoj që e tejkalon logjiken e gjykimit që lidhet me mandatin e një qeverie. Për ta votuar një Qeveri, duhen 61 vota, por për të votuar një marrëveshje ndërkombëtare duhet 2/3 e votave. Kjo flet që marrëveshja ndërkombëtare janë edhe më komplekse por edhe të rëndësishme për gjithë spektrin politik”, ka thënë ai.
Sipas Selmanajt, Qeveria e kaluar nuk ka qenë kundër iniciativave të PDK-së.
“Në mandatin e qeverisë së kaluar, më tepër po u`a rikthej në kujtesë deputetëve të PDK-së, që nuk kemi qenë kundër Ligjeve të propozuara nga ju, e as kundër Pakos së propozuar nga ju, por kemi qenë kundër shkeljes së dispozitave kushtetuese që kemi menduar që nuk duhet të bëhet”, ka thënë tutje Selmanaj.
Për sa i përket votimit të dhe rishikimit të marrëveshjeve ndërkombëtare, Selmanaj ka theksuar që do të qëndrojnë prapa tyre, raporton tutje Front Online.
“Ne si Qeveri në momentin kur e kemi marr mandarin, i kemi pasur dy mundësi, ose që të i rishikojmë këto dy marrëveshje menjëherë, ose të shprehim vullnetin tonë dhe tq qëndrojmë prapa këtyre marrëveshjeve. Ne jemi zotuar që do të qëndrojmë pas këtyre marrëveshjeve përkundër që ne nuk jemi negociues të saj”, ka deklaruar ai.
Kështu Selmanaj, u ka bërë thirrje deputetëve që t`i lënë inatet dhe t`i votojnë këto marrëveshje.
“Meqenëse interesi i këtij vendi është mbi 61 vota, po ju lus që rezoni shtetëror të jetë mbi inatet dhe interesat që i kemi”, ka thënë ai. /Front Online
https://www.facebook.com/FrontOnlineMedia/videos/314968459669576/?v=314968459669576¬if_id=1592833521189841¬if_t=live_video_explicit
