[wp-story]

Lajme

Selimi në takim me Jahjagën: Të mbijetuarat e dhunës seksuale do të jenë në prioritetin tim

Selimi në takim me Jahjagën: Të mbijetuarat e dhunës seksuale do të jenë në prioritetin tim
15:59 | 17 Qershor 2020

Selim Selim, që ka qenë këshilltar i ish-presidentes së Kosovës, Atifete Jahjaga, sot e ka pritur në takim si ministër i Drejtësisë.

Gjatë këtij takimi, ministri Selimi vlerësoi lartë kontributin e ish- presidentes Jahjaga, në Këshillin Kombëtar për të Mbijetuarit e Dhunës Seksuale gjatë Luftës, njofton Klan Kosova.

Selimi tha se prioritet i tij mbetet fuqizimi i Komisionit Qeveritar për verifikimin dhe njohjen e statusit për të mbijetuarit e dhunës seksuale gjatë luftës, por edhe trajtimi, mbrojtja dhe mbështetja për viktimat e dhunës në familje.

“Qasja në drejtësi mbetet e nevojshme për këto raste, andaj unë si Ministër i Drejtësisë do të bëj të pamundur që këto raste të trajtohen me prioritet”.

Më tutje, ministri Selimi tha se është i rëndësishëm bashkëpunimi mes institucioneve të Kosovës dhe organizatave joqeveritare të cilat kanë në fokus trajtimin e të mbijetuarve të dhunës seksuale gjatë luftës në Kosovë dhe dhunës në familje.

Ministri Selimi dhe ish- presidentja Jahjaga kanë folur edhe për fuqizimin e rolit të gruas, si dhe mbështetjen e grupeve të margjinalizuara në Kosovë.

Ndërsa, Jahjaga falënderoi ministrin Selimi për gatishmërinë e ofruar për t’i dalë në ndihmë të mbijetuarve të dhunës seksuale gjatë luftës në Kosovë dhe të ofrojë mbështetje për viktimat e dhunës në familje.

facebook

twitter

Kush ështe kosovari THE VICTOR që synon tregun e jashtëm? (video)

Të tjera