×
  • Bota/Rajoni
  • Bota/Rajoni

    Rusia do të nisë javën e ardhshme testimin e vaksinës anti-COVID në 40 mijë njerëz

    FrontOnline
    20 Gusht 2020

    Testimi masiv i vaksinës potenciale të Rusisë kundër COVID-19 do të nisë javën e ardhshme në më shumë se 40 mijë njerëz dhe do të mbikëqyret nga një panel shkencëtarësh të jashtëm.

    Këto ishin detajet e para të publikuara nga zhvilluesit e vaksinës, që po mundohen të shuajnë zërat mes shkencëtarësh për mungesën e të dhënave të publikuara nga Rusia deri tash.

    Vaksina, e quajtur Sputnik V, është lavdëruar si e sigurt dhe efikase nga autoritetet ruse dhe shkencëtarët e vet pas dy muajsh të testimeve në masë të vogël, rezultatet e të cilave ende s’janë bërë publike.

    Por ekspertët perëndimorë kanë qenë më skeptikë duke shprehur shqetësimin për të, para se të testohet ndërkombëtarisht dhe të ndjekë hapat e rregullatorëve për të dëshmuar që është e suksesshme.“Një listë shtetesh janë në luftë informatash kundër vaksinës ruse”, ka thënë Kirill Dimitriev, kreu i Fondit Investues Rus, që po mbështet vaksinën, në një konferencë për media, raporton Reuters.

    Të dhënat e vaksinës do të publikohen në një gazetë akademike më vonë gjatë muajit, ka bërë të ditur ai.Rusia deri tash ka marrë kërkesë për gati një miliard doza të vaksinës nga shtete të ndryshme të botës dhe ka kapacitet për të prodhuar deri 500 milionë doza për vit, ka shtuar Dimitriev.

    Një drejtor i Institutit të Moskës që ka zhvilluar vaksinën, ka thënë se rreth 40 mijë njerëz do të përfshihen në testimin masiv në më shumë se 45 qendra mjekësore në Rusi.Të dhënat do t’i ofrohen Organizatës Botërore të Shëndetësisë dhe shteteve të tjera që po konsiderojnë pjesëmarrjen në fazën e fundit të testimeve, ka njoftuar Dimitriev.

    Sputnik V tashmë ka marrë aprovimin e rregullatorëve të brendshëm, duke bërë që Rusia të shpallë publike vaksinën e parë kundër COVID-19.

    Sipas të dhënave të OBSH-së, të paktën edhe katër vaksina tjera potenciale kundër këtij virusi janë në fazën e tretë të testimeve.

    Deri tash në gjithë botën janë regjistruar si të infektuar më shumë se 22.4 milionë persona, ndërsa 788 mijë kanë humbur betejën me virusin. Në Rusi janë regjistruar 939 mijë të infektuar e 16 mijë viktima.

    Nga Rubrika
    Bota/Rajoni29 Maj 2025
    Presidentja e Komisionit Evropian, Ursula von der Leyen, u nderua sot me Çmimin Ndërkombëtar “Karli i Madh” gjatë një ceremonie në Aachen...
    Bota/Rajoni29 Maj 2025
    Izraeli e ka pranuar propozimin për armëpushim të përkohshëm me Hamasin, ka njoftuar zëdhënësja e Shtëpisë së Bardhë, Karoline Leavitt. “Mund ta...
    Bota/Rajoni29 Maj 2025
    Inteligjenca e Rusisë ka zbuluar atë që po konsiderohet nga spiunët e Putinit “një tradhti nga Serbia dhe përpjekje për t’i qëlluar...
    Të tjera
    Sport29 Maj 2025
    Më pak se 10 ditë larg ndeshjes së radhës kualifikuese të Shqipërisë përballë Serbisë dhe kryefjala mbetet më tepër tek bileta pasi...
    Vip29 Maj 2025
    Këngëtarja e njohur shqiptare, Egli Tako dy ditë më parë publikoi këngën “Jetë”. Por, duket se nuk e ka ndërmend të ndalet...
    Lajme29 Maj 2025
    Mendimi për motin – 29.05.2025 Vransirat mbeten më të shumta orëve të para të ditës së premtë, e vende-vende mund të shfaqen...
    Lajme29 Maj 2025
    Deputeti i komunitetit ashkali, Artan Asllani, për FrontOnline ka deklaruar se grupi parlamentar multi-etnik, në të cilin bën pjesë edhe ai, do...
    Lajme29 Maj 2025
    Derisa u bllokuan për dy orë sot hyrjet e kryeqytetit nga përfaqësues të rreth 1,300 kompanive vendore, në shenjë proteste për liberalizimin...
    Lajme29 Maj 2025
    Mbrojtja e ish-presidentit të Kosovës, Hashim Thaçi, së bashku me të bashkakuzuarit e tij, të hënën pritet të paraqesë mocionin për rrëzimin...
    -->

    FrontOnline, © 2025 Të gjitha të drejtat e rezervuara.