Ministria e Shëndetësisë njoftoi sot 23 raste pozitivë me koronavirus në rrethin e Krujës gjatë 24 orëve të fundit.
Ndërsa, një vatër e re infeksioni raportohet në Fushë-Krujë. Gjatë 24 orëve te fundit janë konfirmuar pozitivë 11 persona, të cilët kanë qenë së fundmi në një ceremoni martesore, nga ku dyshohet edhe të kenë marrë virusin.
Të infektuarit e tjerë mësohet se janë në fshatra, ndërsa në qytetin Krujës janë konfirmuar gjatë 24 orëve të fundit vetëm 3 raste.
Situata nga Covid-19 në vend vijon të jetë e rëndë. Gjatë 24 orëve të fundit janë konfirmuar 146 raste të reja, ndërsa 6 pacientë në spitalet Covid e kanë humbur betejën me sëmundjen.
