×
  • Lajme
  • Auto
  • Auto

    Rritet numri i rasteve të krimeve kibernetike gjatë pandemisë, cak i hakerëve bizneset

    FrontOnline
    19 Shtator 2020

    Tre hakerë të rinj nga Kosova u arrestuan të enjten nga Policia.

    Atyre iu vunë prangat pas një hetim të gjatë të Sektorit për Hetime të Krimeve Kibernetike dhe FBI-së.

    Këta persona dyshohet se kanë kryer veprën penale ”Hyrje në Sistem Kompjuterik”.

    Përmes sistemeve kompjuterike kanë krijuar një platformë online e qasshme vetëm në DARKWEB që ka të bëj me internetin e fshehur i cili përdoret për qëllime të paligjshme.

    Kapiteni i Policisë, Fadil Avdyli ka dhënë detaje për Objektiv lidhur me këtë rast.

    “Meqenëse akoma është rasti në fazë fillestare nuk mund të japim më shumë informata, por ajo që mund të cekim është që ka qenë një hetim më afatgjatë dhe bashkëpunim i ngushtë me FBI-në, kjo ka ndodh në qytetin e Ferizajt kur tre të rijnë janë gjetur në flagrancë duke kryer vepra penale të krimit kibernetikë”, tha Avdyli.

    Avdyli tha se ka rritje rapide të krimeve kibernetike për shkak të pandemisë, por edhe të veprave penale që janë kryer nga internet.

    “Ka një rritje në të gjitha fushat, edhe fëmijët kanë qenë të rrezikuar në këtë rast sepse kanë përdor platforma për mësim, por në këtë rast kanë qenë të rrezikuar edhe nga keqbërës të ndryshëm. Vërehet se ka rritje, por jo aq e theksuar që ndikon në trendin e përgjithshëm. Si raste më të sotififikuar kemi rastet e bizneseve, ndoshta edhe për shkak të çështjes materiale, pastaj individ e raste ndaj platformave online qoftë shtetërore apo private”, shtoi Avdyli.

    E pjesa më e madhe e të dyshuarve për këto vepra kriminale janë të rinj edhe të mitur.

    Kapiteni ka dhënë edhe disa këshilla për qytetarët që mos të bien pre e këtyre mashtruesëve.

    “Ju bëjmë thirrje qytetarëve që të kenë kujdes kryesisht nga platformat online, mos të klikojnë linqe dhe lojëra shpërblyese që vijnë nga interneti. Mos instaloni aplikacione të panjohura, shikoni burimin e emalit”, përfundoj Avdyli.

    Ndërkaq, nga muaji shtator i vitit 2019 deri me 31 korrik 2020 nga Sektori për Hetime të Krimeve Kibernetike janë hetuar 43 raste në nivel qendror, kurse është asistuar në 212 raste të cilat janë mundësuar të kryhen nga interneti.

    Sektori për Krimet Kibernetike brenda Policisë së Kosovës ekziston qe nëntë vite dhe përbëhet nga zyrtarët të specializuar të trajnuar nga Qeveria e SHBA-së.

    Natën e Kurban Bajramit Petrol Company shpërndan 40 pako ushqimore për fëmijët jetim në Kosovë
    Nga Rubrika
    Kronika15 Qershor 2024
    Një i dyshuar është arrestuar të premten pasi kishte rrëmbyer një person dhe që për lirimin e tij kërkonte 30,000 euro nga...
    Lajme15 Qershor 2024
    Nga 170 euro sa ishte vitin e kaluar, çmimi i një kurbani në Kosovë këtë vit ka shkuar në 350 euro. Shitësit...
    Lajme15 Qershor 2024
    Sekretari i Përgjithshëm i Lidhjes Demokratike të Kosovës, Imri Ahmeti se iniciativa e fundit për të shkuar në zgjedhje, ka qenë lojë...
    Të tjera
    Lajme15 Qershor 2024
    Policia e Kosovës, pas informacioneve të pranuara nga Agjencia e Kosovës për Inteligjencë, ka gjetur dhe sekuestruar dje një sasi armatimi në...
    Lajme15 Qershor 2024
    Kuvendi i Komunës sot do të mbajë një seancë solemne. Kjo për rastin e ditës se çlirimit të Gjilanit. Seanca nis ora...
    Lajme15 Qershor 2024
    Nesër për besimtarët mysliman shënohet festa e Kurban Bajramit. Myftiu i Kosovës, Naim Tërnava sot do t’i drejtohet opinionit publik për një...
    Lifestyle15 Qershor 2024
    Sara Milliken u shpall Miss Alabama në vitin 2024 dhe këtë vit kjo 23-vjeçare do të garojë me përfaqësuese të shteteve të...
    Bota/Rajoni14 Qershor 2024
    Një 33-vjeçar u arrestua pasi theri me thikë një 12-vjeçare në qendrën tregtare Valkea të Finlandës të enjten në mbrëmje. Transmetuesi publik...
    Sport14 Qershor 2024
    Një nga vendimet e VAR-it në ndeshjen hapëse të Kampionatit Evropian mes Gjermanisë dhe Skocisë u shfaq në një ekran gjigant në...

    FrontOnline, © 2024 Të gjitha të drejtat e rezervuara.