Qeveria e Kosovës  në mbledhjen e sotme ka votuar pro për hapjen e disa pikave të tjera të kufijve tokësorë në vend, raporton Front Online.

Më 22 qershor pritet që të hapen edhe pikat kufitare në Qafë Prush, Qafë Morinë, Muçibabë e Mutivodë, pika këto që vazhdojnë të jenë të mbyllura.

Ministri i Shëndetësisë, Armend Zemaj, gjatë prezantimit të tij, ka kërkuar që ky vendim të hyjë në fuqi menjëherë,  dhe i cili do të fillojë të zbatohet më 22 qershor.

“Kërkesa e MSH-së konsiston të plotësohet të ndryshohet pika e pestë e qeverisë në të cilën ne paraprakisht kishim përcaktuar pikat kufitare që u hapën më parë dhe është parë e domosdoshme që për shkak të fluksit të madh i qytetarëve që të hapen edhe pikat e tjera, Qafë Prush, Qafë Morinë, Muçibabë e Mutivodë. MSH-ja parasheh që gradualisht të hapen edhe pikate tjera kufitare. Ajo çka kisha dashur që ju kisha lutur që të jetë e përcaktuar që ky vendim të hyjë në fuqi më 22 qershor të këtij viti”, deklaroi Zemaj, raporton Front Online

Poashtu Zemaj ka  kërkuar nga qytetarët që të vazhdojnë të zbatojnë të gjitha rekomandimet e MSH-së dhe IKSHPK-së për mbrojtjen nga përhapja e Coronavirusit.

Para kabinetit qeveritar Zemaj,  theksoi se gjatë ditës së sotme do të publikohet edhe manuale për mbrojtjen nga përhapja e Coronavirusit, e që sipas Zemajt do të zbatohet në përpikëri nga të gjitha institucionet, qofshin shtetërore apo ato private.

Theksojmë se deri më tani kufijtë tokësorë që kanë qenë të hapur janë: Dheu i Bardhë, Vërmicë, Merdare dhe Jarinjë./Front Online