Qeveria italiane po përgatitet të rekrutojë qytetarë të papunë për të vepruar si zbatues vullnetarë të distancimit social, të cilët do të veprojnë në mes të masave të marra nga qeveria për lehtësimin e masave lidhur me Covid-19.

Qeveria do të publikojë një thirrje këtë javë për 60.000 të ashtuquajturit ‘asistentë qytetarë’ për të ndihmuar në kryerjen e detyrave të kontrollit dhe asistencës, si raportimi i shkeljeve të distancës sociale ose mungesa e maskave, gjatë fazës së rihapjes së tij, për të parandaluar mosrespektimin dhe një rritje të re në infeksione, njofton AdnKronos.

Qeveria do të synojë në mënyrë specifike njerëzit e papunë që përfitojnë nga përfitimet sociale për të spiunuar në ‘bazë vullnetare’.

Ata që regjistrohen do të tregojnë një ‘sens të madh qytetarie’, thuhet në njoftimin e qeverisë.

Informatorët do të veshin një bluzë blu me fjalët ‘asistent qytetar’ dhe do u kujtojnë njerëzve që të ruajnë distancimin social dhe se duhen të bëhen ende sakrifica për të kapërcyer pandeminë, tha Ministri i Punëve Rajonale, Francesco Boccia, në kanalin e lajmeve TG1.

Italia ka qenë një nga vendet evropiane më të goditura nga Covid-19, me mbi 32.000 vdekje dhe gati 230.000 raste të konfirmuara.