×
  • Lajme
  • Lajme

    Publikimi i dokumenteve për vrasjen e Ukshin Hotit, reagon djali i tij Andini

    FrontOnline
    22 Gusht 2020

    Mbrëmjen e së premtes janë publikuar disa dokumente përmes së cilave pretendohet se hidhet dritë për zhdukjen e veprimtarit Ukshin Hoti, dhe dokumente të cilat tregojnë për vrasjen e tij nga shteti serb.

    Në lidhje me këto publikime, ka reaguar djali i Ukshin Hotit, Andin Hoti.

    Hoti përmes një statusi në rrjetin social në Facebook ka shkruar se publikimi i disa dokumenteve me të cilat pretendohet fati i babait të tij është tronditës, sfidues e akuzues për institucionet e Kosovës, shtetin dhe bashkësinë ndërkombëtare.

    Sipas tij, Serbia në vazhdimësi ka prodhuar dokumente me qëllime politike e kriminale, prandaj siç tha ai as në këtë rast nuk i marrin apriori si të besueshme e të verifikuara.

    Hoti kërkon nga institucionet e Kosovës si dhe nga kryeministri Avdullah Hoti që në kuadër të dialogut me Serbinë, t’i trajtojnë këto dokumente me përgjegjësi dhe seriozitet maksimal, duke kërkuar llogari dhe hetim ndërkombëtar.

    Lexoni të plotë reagimin e tij:

    Publikimi i disa dokumenteve tani në RTK me të cilat pretendohet fati i babait / e familjarit tonë Ukshin Hoti, përveç tronditës është edhe sfidues e akuzues për institucionet e Kosovës, shtetin dhe bashkësinë ndërkombëtare. Për ne si familje, Serbia në vazhdimësi ka prodhuar dokumente me qëllime politike e kriminale, prandaj as në këtë rast nuk i marrim apriori si të besueshme e të verifikuara. Megjithatë, në përpjekjet tona për zbardhjen e të vërtetës, duke bashkëndjerë me familjet e të gjithë të pagjeturve nga lufta, kemi qenë të vetëdijshëm për përmasën barbare e kriminale të Serbisë. Gjatë më shumë se 20 vjetëve të terrorit psikologjik jo vetëm për ne si familje, Kryqi i Kuq Ndërkombëtar, Këshilli i Evropës e të gjitha institucionet vendore dhe ndërkombëtare, duke përfshirë edhe UNMIK-un dhe EULEX-in, kanë dështuar ta mposhtin mizorinë dhe lojën perverse të politikës serbe me fatin e viktimave të saj. Prandaj, është koha e fundit që Ministria e Drejtësisë, Prokuroria Speciale e Kosovës – Departamenti për Krimet e Luftës, Komisioni Qeveritar për Personat e zhdukur me forcë nga Serbia, Kuvendi i Kosovës dhe çdo institucion tjetër relevant, si dhe Kryeministri Avdullah Hoti në kuadër të dialogut me Serbinë, t’i trajtojnë këto dokumente me përgjegjësi dhe seriozitet maksimal, duke kërkuar llogari dhe hetim ndërkombëtar. Mbarë bota e di që Serbia ka kryer gjenocid në Kosovë, ndërsa faktet shpesh po zëvendësohen me fabrikime, duke çoroditur edhe lirinë e të vërtetën tonë historike. Dështimin dhe papërgjegjësinë në këtë rast, e bëjnë edhe më irrituese reagimet për keqardhje të EULEX-it, Institutit të Mjekësisë Ligjore dhe të Prokurorisë Speciale. Mbi bazën e pretendimeve të publikuara, ne si familje kërkojmë nga Institucionet e Kosovës që këtë çështje ta ngrisin urgjentisht në instancat ndërkombëtare dhe të gjenden eshtrat e pretenduara në këtë dokument (në cilindo institucion vendor apo ndërkombëtar qofshin) për të bërë ADN-në e tyre, në mënyrë që të zbardhet e vërteta! Është më tepër se humane që ne si familje ta dimë të vërtetën për fatin e Ukshin Hotit. 

    Stresi thotë se Vivien s’ka fuqi pa Getinjon, pajtohet Lugati
    Nga Rubrika
    Lajme19 Maj 2024
    Njëzet ekipe shpëtimi dhe dronë janë dërguar në zonën ku helikopteri në të cilin ndodheshin presidenti iranian, Ebrahim Raisi dhe ministri i...
    Lajme19 Maj 2024
    Ekzekutivi po vazhdon procesin e racionalizimit të agjencive të pavarura dhe atyre qeveritare, por ende nuk se sa prej 80 agjencive aktuale...
    Lajme19 Maj 2024
    Një helikopter me të cilin po udhëtonte presidenti iranian Ebrahim Raisi dhe ministri i tij i jashtëm bëri një ulje të detyruar...
    Të tjera
    Lajme19 Maj 2024
    Presidentja Vjosa Osmani ka ndarë një video nga takimi dhe konferenca e përbashkët me Nënsekretaren amerikane të Shtetit për Diplomaci Publike, Liz...
    Lajme19 Maj 2024
    Kandidati i PDK-së për kryeministër, Bedri Hamza, në Zvicër është takuar me diasporën atje, të cilët i ka falënderuar për mikëpritjen. Ai...
    Lajme19 Maj 2024
    Deputetja e Lidhjes Demokratike të Kosovës, Hykmete Bajrami ka thënë se Kryeministri i Kosovës, Albin Kurti thotë të pavërteta kur deklaron se...
    Lajme19 Maj 2024
    Komuna e Prishtinës ka njoftuar se sot është djegur një kontejner i mbeturinave. Në njoftim thuhet se falë reagimit të qytetarëve është...
    Lajme19 Maj 2024
    Ka vdekur ditën e shtunë ish-ushtari i Ushtrisë Çlirimtare të Kosovës, Mehmet Bylykbashi. Më parë, i ndjeri kishte kërkuar ndihmë edhe për...
    Lajme19 Maj 2024
    Ministria e Kulturës, Rinisë dhe Sportit, vlerëson se projekti i tyre për trajtimin, mbrojtjen dhe promovimin e lokalitetit arkeologjik të Dresnikut po...

    FrontOnline, © 2024 Të gjitha të drejtat e rezervuara.