Kryeministri Avdullah Hoti në orën 19:00 sot pritet të mbajë një konferencë për media, pas takimit që do ta mbajë me delegacionin serb në Shtëpinë e Bardhë në Washington.
Një informacion i tillë është konfirmuar nga gazetarët që po përcjellin takimin e sotëm.
Mediat shqiptare që janë atje, thonë se ka pakënaqësi brenda delegacionit të Kosovës, lidhur me marrëveshjen, sidomos nga përfaqësuesit e AAK-së që janë pjesë e delegacionit.
Delegacioni i Kosovës do të ketë edhe një takim me sekretarin e shtetit, Majk Pompeu, rreth orës 22:00 sipas orës në Kosovë.
Përndryshe, nesër delegacioni i Kosovës do të udhëtojë për në Kosovë./Front Online/
