Organi Shqyrtues i Prokurimit (OSHP) ka kthyer në rivlerësim tenderin e komunës së Gjakovës “Rivitalizimi i Eshnores-Çabrat në Gjakovë-Kontratë dy vjeçare”, raporton “Front Online”.

Për këtë aktivitet Prokurimi, komuna e Gjakovës kishte rekomanduar për kontratë Operatoret Ekonomik “Bejta Comerce”,”Eurocom”, “King Holding”, e ku vlera e parashikuar e kontratës është 120 mijë euro.

Por, e pa kënaqur me këtë vendim të komunës së Gjakovës kompania “Korben” nga Gjakova ishte ankuar në Organin Shqyrtues të Prokurimit, e ku kjo e fundit ka aprovuar pjesërisht ankesën e kësaj kompanie, deri sa më të njëjtin vendim OSHP-ja ka anuluar edhe vendimin e Autoritetit Kontraktues për dhënie të kontratës, raporton “Front Online”.

Portali “Front Online” ka  monitoruar seancën e OSHP-së në të cilën kompania “Korben” kishte kërkuar që lënda të kthehet në rivlerësim. Mendim të njëjtë për këtë proces Prokurimi kishte pasur edhe ekspertja shqyrtues e OSHP-së Hafseje Zejnullahu, deri sa Autoriteti Kontraktues në këtë rast komuna e Gjakovës  kishte injoruar seancën e OSHP-së, raporton “Front Online”.

Vendimi i  Autoritetit Kontraktues, komunës së Gjakovës  për këtë proces të Prokurimit do të merret në ditët në vijim, deri sa “Front Online” do t’ iu mbaj të informuar për këtë proces të prokurimit deri në përmbyllje të procesit në tërësi. Përndryshe, Komuna e Gjakovës udhëhiqe nga nënkryetari i AAK-së, Ardian Gjini. / Front Online /

Komuna e Gjakovës injoron “Gjykatën e Tenderëve”