Lajme

Ministria e Kthimit shpenzoi rreth 100 mijë € për pagat e 20 punëtorëve serb që nuk shkonin në punë

Ministria e Kthimit shpenzoi rreth 100 mijë € për pagat e 20 punëtorëve serb që nuk shkonin në punë
16:23 | 17 Korrik 2020

Ministria për Komunitete dhe Kthim, të cilën e udhëheq për vite me radhë Dalibor Jevtiq, ka shpenzuar rreth 100 mijë euro për pagat e 20 punëtorëve, të cilët nuk shkonin kurrë në punë, raporton portali “Front Online”.

Kështu thuhet në raportin e Zyrës Kombëtare të Auditimit për auditimin e pasqyrave financiare të Ministrisë për Komunitete dhe Kthim.

“Sipas vendimit nr. 06/39 të datës 22.07.2015, Qeveria e Kosovës ka aprovuar konkluzionet e dakorduara për Shpërbërjen e të ashtuquajturës “Mbrojta Civile”, e cila ka funksionuar në komunat veriore të Kosovës, si dhe mbështet zotimet e përcaktuara me këto konkluzione. Përmes këtij vendimi, obligohen ministritë dhe agjencitë përkatëse që të bëjnë zbatimin e konkluzioneve sipas përgjegjësisë ligjore. MKK ka qenë e obliguar t’i sistemoj 21 punëtorë të komunitetit serb, ndërsa në vitin 2019 janë 20 të punësuar, sepse një zyrtar ka dhënë dorëheqje. Zyrtarët e lartcekur, në vitin 2019, nuk ishin paraqitur në vendin e punës, përderisa Ministria në baza të rregullta kishte bërë pagesën e pagave të tyre për vitin 2019 në vlerë totale 98,362 euro”, thuhet mes tjerash në raportin e Auditorit.

/Front Online/

 

Apliko online për kredi në IBAS, përfito subvencionim nga Qeveria

Të tjera