×
  • Bota/Rajoni
  • Bota/Rajoni

    Mediat serbe: SHBA ka planifikuar 4 miliardë investime në Serbi

    FrontOnline
    22 Shtator 2020

    Realizimi i njërës prej pikave më të rëndësishme të marrëveshjes për normalizimin e marrëdhënieve ekonomike midis Kosovës dhe Serbisë, e nënshkruar në Uashington, fillon sot në Serbi, me mbërritjen e delegacionit të Korporatës Financiare të Zhvillimit Ndërkombëtar Amerikan (DFC) të udhëhequr nga CEO Adam S. Boehler.

    Bisedimet me zyrtarët serbë, të cilat do të pasojnë në katër ditët e ardhshme, duhet të specifikojnë gjithçka në lidhje me hapjen e zyrës rajonale të DFC në Beograd.

    DFC ka një fond investimesh prej gjithsej 60 miliardë dollarë amerikanë dhe një pjesë e atyre parave do të derdhen në Serbi, përmes realizimit të projekteve të parashikuara nga marrëveshja nga Uashingtoni. Janë planifikuar investime të reja prej gati katër miliardë dollarësh, të cilat do të investohen kryesisht në ndërtimin e autostradave dhe hekurudhave që lidhin Serbinë me Kosovën, shkruan gazeta serbe Novosti.

    Për drejtorin e të ashtuquajturës zyre për Kosovën, Marko Gjuriq, ardhja e DFC dhe Grenellit është një tregues i sigurt se marrëveshja ekonomike nga Uashingtoni po zbatohet me shpejtësi të vetëtimës:

    “Dera po hapet për një kapitull të ri në marrëdhëniet amerikano-serbe, kryesisht në ekonomi. Shtetet e Bashkuara gjithmonë do të mbrojnë stabilitetin e hapësirës në të cilën ata investojnë, nuk do të jetë e lehtë të përsëriten situatat e dy apo tri dekadave të kaluara në marrëdhëniet tona, të cilat duam t’i shmangim me çdo kusht”.

    Marrëveshja nga Uashingtoni për Beogradin ka disa elemente të rëndësishme, beson Gjuriq, dhe përveç ardhjes së DFC, me rëndësi është gjithashtu “heqja nga agjenda e njohjes së Kosovës dhe vendosja një moratorium një vjeçar për anëtarësimin e Kosovës në organizatat ndërkombëtare”, pretendon Gjuriq duke “harruar” të përmendë se moratoriumi vlen edhe për Serbinë për aktivitetin e saj në çnjohje të Kosovës dhe pengim të njohjeve të reja.

    Gjuriq gjithashtu pretendon se është shumë e rëndësishme “që Kosova nuk do të jetë në gjendje të bëhet anëtare e UNESCO-s”, sepse historianët shqiptarë po bëhen gjithnjë më të zhurmshëm në “përvetësimin e kishave dhe manastireve serbe në Kosovë”.

    Nga Rubrika
    Bota/Rajoni28 Maj 2025
    Presidenti ukrainas Zelenskyy nuk do të marrë pjesë në ceremoninë e ndarjes së çmimeve për “Karli i Madh” në Aachen. Zelensky nuk...
    Bota/Rajoni28 Maj 2025
    Katër persona kanë vdekur ndërsa qindra palestinezë hynë me forcë në një depo të Kombeve të Bashkuara në Gaza, duke shembur pjesë të...
    Bota/Rajoni28 Maj 2025
    Presidenti amerikan Donald Trump ka thënë se nuk mund të tregojë nëse homologu i tij rus, Vladimir Putin, dëshiron t’i japë fund...
    Të tjera
    Lajme28 Maj 2025
    Eksperti i sigurisë, Drizan Shala, për “Front Online” ka deklaruar se përqendrimi i madh i kapaciteteve ushtarake serbe në jug të Serbisë...
    Lajme28 Maj 2025
    Ambasadori i Suedisë në Kosovë, Jonas Westerlund, ka komentuar zhvillimet politike në vend, duke vënë theksin te nevoja për bashkëpunim mes partive...
    Lajme28 Maj 2025
    Njohësi i sigurisë, Bedri Elezi, ka thënë se një deklaratë e tillë e Maqedoncit nuk përputhet me veprimet operacionale të institucioneve të...
    Lajme28 Maj 2025
    Komandanti i Forcës së Sigurisë së Kosovës, Gjenerallejtënant Bashkim Jashari, priti një delegacion të lartë nga Instituti Kërkimor Shkencor Ushtarak i Akademisë...
    Lajme28 Maj 2025
    Deklarata e fundit e ministrit në detyrë të Mbrojtjes së Kosovës, Ejup Maqedonci, se rreth 70% e kapaciteteve ushtarake të ushtrisë serbe...
    Sport28 Maj 2025
    Ka përfunduar pa gola ndeshja miqësore mes Kosovës U21 dhe Maqedonisë së Veriut U21. “Dardanët” pavarësisht që patën paraqitje më të mirë...
    -->

    FrontOnline, © 2025 Të gjitha të drejtat e rezervuara.