Lajme

Mbahet takimi i parë i Grupit Punues për Hartimin e Draft Ligjit të Shërbimit Korrektues të Kosovës

Mbahet takimi i parë i Grupit Punues për Hartimin e Draft Ligjit të Shërbimit Korrektues të Kosovës
18:39 | 22 Korrik 2020

Shërbimit Korrektues i Kosovës sot ka mbajtur takimin e parë të Grupit Punues për Hartimin e Draft Ligjit të Shërbimit Korrektues të Kosovës.

Hartimi i Draft Ligjit për SHKK-në është nismë reformuese e Shërbimit Korrektues të Kosovës me qellim sigurimin e një vizioni gjithëpërfshirës dhe të konsoliduar të sundimit të ligjit, e po ashtu ngritjen e besimit të qytetarëve në sistemin e drejtësisë, e veçanërisht në SHKK-në.

Me qëllim të përmbushjes së obligimeve të cilat dalin nga plani i punës së Qeverisë dhe plani indikativ i punës për vitin 2020-2021 për Hartimin e Draft Ligjit për Shërbimin Korrektues të Kosovës, në koordinim me Ministrinë e Drejtësisë ka organizuar takimin konsultativ në të cilin janë ftuar përfaqësues nga Ministria e Drejtësisë, Institucioneve Korrektuese të Shërbimit Korrektues të Kosovës, Avokatit të Popullit, Shoqata e Grave të SHKK-së, Sindikata e SHKK-së, organizatat tjera vendore dhe ndërkombëtare si: KMDLNJ, Kryqi i Kuq Ndërkombëtar, ICITAP, OSBE dhe EULEX.

Gjatë takimit, Drejtori i Përgjithshëm i Shërbimit Korrektues, z. Nehat Thaçi ka njoftuar të pranishmit lidhur me sfidat me të cilat është ballafaquar Shërbimi Korrektues i Kosovës, si dhe nevojat për hartimin e Ligjit për Shërbimin Korrektues të Kosovës.

Po ashtu, në fund të takimit drejtori Thaçi caktoi edhe grupet punuese për hartimin e Draft Ligjit për Shërbimin Korrektues, me ç ‘rast u dakorduan lidhur me hapat e mëtutjeshëm rreth hartimit të Ligjit.

Banorja e 13-të e BBVK rrëfen ngjarjen e frikshme që i ka ndodhur

Të tjera