×
  • Lajme
  • Lajme

    Lind gruaja e infektuar me koronavirus, priten rezultatet për foshnjën

    FrontOnline
    03 Korrik 2020

    Në Klinikën Gjinekologjike po trajtohet një grua e cila ka rezultuar pozitiv në testin për Covid-19. Pacientja nga regjioni i Prizrenit ka përfunduar lindjen mbrëmë, derisa gjatë ditës pritet rezultati për foshnjën. Ndërkohë, që është edhe një paciente tjetër e dyshuar me koronavirus, për të cilën do të dalin rezultatet gjatë ditës.

    Vetëm mbrëmë në këtë klinikë kanë lindur 39 foshnje, ndërkohë që gjatë së premtes kanë qenë të shtrira 220 paciente. Drejtori i kësaj klinike u bëri thirrje spitaleve regjionale që të mos ngarkojnë këtë klinikë, sepse sipas tij, ditëve të fundit është stërngarkuar.

    Jakup Ismajli në një intervistë për KosovaPress thotë se ditëve të fundit është shtuar numri i pacientëve të cilët po kërkojnë trajtim në Klinikën Gjinekologjike.

    Ai tregon për gjendjen e pacientes, e cila është konfirmuar me Covid-19.

    Ismajli: E kemi një grua me Covid-19 e cila ka lindur mbrëmë

    “Për momentin e kemi një paciente e cila dje e ka përfunduar lindjen është ende Covid pozitiv, ka lindur një fëmijë të shëndoshë. Sot i është marrë testi bebes që të vërtetohet nëse është edhe bebja e infektuar…Pacientja është nga regjioni i Prizrenit është në gjendje stabile, do të thotë është me parametra vital”, thotë Ismajli.

    Në rast se foshnja rezulton negativ, Ismajli shton se sot do të lirohet edhe pacientja nga Prizreni, e cila duhet të vetëizolohet për dy javë.

    Veç tjerash, ai thekson se sot është testuar edhe një paciente tjetër, ndërkohë që javën e kaluar janë trajtuar tri paciente me koronavirus.

    Ismajli: Sot do të testojmë një grua tjetër

    “Sot e kemi edhe një rast tjetër në testim, tash është marrë testi presim që të na vijnë rezultatet e testeve. Sepse dikton në mënyrën e lindjes që ta përfundojmë lindjen…Javën e kaluar kemi pasur edhe tri shtatzëna, dy janë përfunduar me prerje cezariane, kurse një tjetër është përfunduar me lindje normale. Të tria kanë qenë Covid pozitiv. Është bërë testimi edhe i bebeve kanë dalë negativë, janë lëshuar në shtëpi me terapi dhe me rekomandim që të përcillen nga IKShP”, shton ai për KosovaPress.

    Drejtori i Klinikës Gjinekologjike u bën thirrje spitaleve regjionale që të mos ngarkojnë këtë klinikë, sepse sipas tij janë të stërngarkuar.

    Ismajli: Spitalet regjionale të mos e ngarkojnë Klinikën Gjinekologjike

    “Kisha bërë një kërkesë spitaleve regjionale që mos ta ngarkojnë Klinikën Gjinekologjike, e cila edhe ashtu është e angazhuar. Vetëm mbrëmë kemi pasur 39 lindje dhe pothuajse shumicën e kemi pasur nga regjionet, nga Prizreni, Gjakova, Ferizaj. E kisha pasur një lutje që rastet të cilat janë të menaxhueshme që kanë mundësi që ta përfundojnë lindjen në spitalet regjionale, ta kryejnë lindjen atje. Mos të na ngarkojnë sepse jemi gati të stërngarkuar. Vetëm sot i kemi 220 pacientë, jemi jashtëzakonisht të ngarkuar”, bën thirrje Ismajli.

    Për katër muaj në Kosovë janë konfirmuar 3064 raste me koronavirus, prej tyre 1707 janë shëruar, ndërsa 55 kanë vdekur.

    Petrol Company sërish troket në dyert e Shtëpisë së Pleqve për Ramazan
    Nga Rubrika
    Lajme18 Qershor 2024
    Deputeti i pavarur i Kuvendit të Kosovës, Fatmir Humolli, për FrontOnline, deklaron se ka një tendencë që veteranët e UÇK-së, të paraqitën...
    Lajme18 Qershor 2024
    Emisari i BE-së për dialogun Kosovë-Serbi, Miroslav Lajçak, është takuar me kryeministrin e ri serb, Millosh Vuçeviq, në Athinë. Lajçak tha se...
    Lajme18 Qershor 2024
    Presidentja Vjosa Osmani ka shpërndarë një video me një përmbledhje nga pjesëmarrja e saj në Samitin për Paqe që u mbajt në...
    Të tjera
    Lajme18 Qershor 2024
    Udhëheqësit e Bashkimit Evropian përfunduan pa marrëveshje një diskutim të hënën se kush duhet të marrë postet kryesore të bllokut evropian për...
    Lajme18 Qershor 2024
    Ushtruesi i detyrës së kryetarit të Organizatës së Veteranëve të Luftës së Ushtrisë Çlirimtare të Kosovës (OVL-UÇK), Faton Klinaku, për FrontOnline thotë...
    Lajme18 Qershor 2024
    Komisioni për Mjedis, Ushqim, Bujqësi, Planifikim dhe Zhvillim do të mblidhet sot.Ky komision pritet që sot ta bëjë shqyrtimin e Projektligjit për...
    Lajme18 Qershor 2024
    Mësimdhënësit, përveç arsimimit të nxënësve, kanë përgjegjësi edhe t’i edukojnë ata. Këtë, arsimtarët e realizojnë në orët e kujdestarisë, për të cilat...
    Lajme18 Qershor 2024
    Veteranët e UÇK-së, edhe më tej vazhdojnë të jenë kategoria më e shtypur në vend, përkundër faktit se në një kohë kontributi...
    Lajme17 Qershor 2024
    Wade Goddard, fotografi i njohur The New York Times, rivizitoi Abrin e Epërme të Komunës së Drenasit, vend në të cilin vetëm...

    FrontOnline, © 2024 Të gjitha të drejtat e rezervuara.