×
  • Lajme
  • Lajme

    Kryeministri Hoti: Kosova hyn në dialog vetëm për njohje reciproke

    FrontOnline
    03 Korrik 2020

    Kryeministri i Republikës së Kosovës, Avdullah Hoti, i shoqëruar nga zëvendëskryeministri i parë, Besnik Tahiri dhe zëvendëskryeministrja Albulena Balaj-Halimaj, ka nisur sot vizitën e tij të parë zyrtare në Republikën e Shqipërisë, me ftesë të kryeministrit Edi Rama.

    Te Pallati i Brigadave, kryeministri Hoti është pritur me ceremoni shtetërore, për të vazhduar pastaj takimin e veçantë me kryeministrin Rama.

    Në këtë takim, është biseduar për marrëdhëniet e shkëlqyera vëllazërore dhe për mundësinë e fuqizimit të bashkëpunimit të gjithanshëm ndërmjet të dy shteteve.

    Kryeministri Hoti ka falënderuar shtetin shqiptar dhe kryeministrin Rama për përkrahjen e vazhdueshme që Shqipëria i ka dhënë Kosovës në të gjitha periudhat e shtetndërtimit.

    Pas takimit, të dy kryeministrat kanë mbajtur një konferencë para gazetarëve të pranishëm.

    Në fjalën e tij kryeministri Hoti, pasi falënderoi kryeministrin Rama për vizitën që pati ditë më parë në Prishtinë pas zhvillimeve të fundit, tha se, sigurisht, ne besojmë se kemi maturinë e duhur institucionale për t’u përballur me ato situata.

    “Kujdesi juaj që të vini menjëherë në Prishtinë pas atyre zhvillimeve është shumë me vlerë. Ju falënderoj për pritjen miqësore dhe vëllazërore këtu. Tanimë është bërë një praktikë e bashkëpunimit tonë të mbledhjeve të përbashkëtat të dy qeverive tona dhe unë besoj që tash duhet të kalojmë në terma shumë praktike të bashkëpunimit tonë të përditshëm”, tha kryeministri Hoti.

    Ai i ka përmendur tri projekte madhore, strategjike, që siç tha ai, e para është porti i Durrësit për të cilin tha se personalisht ka punuar me ish-ministrin e Financave për të pasur një pikë doganore, së dyti, në fushën e energjisë ne kemi sisteme komplementare energjetik, por duhet të kujdesemi që në afatgjatë të zgjidhim këtë problem duke konsideruar ndërtimin e një hidrocentrali në territorin e Shqipërisë për të furnizuar me energji elektrike Republikën e Kosovës, e treta lidhja e dy vendeve tona me hekurudhë.

    Ndërsa, kryeministri i Republikës së Shqipërisë, Edi Rama tha se kishte kënaqësinë të priste kryeministrin Hotin në Tiranë , me të cilin ka diskutuar në detaje lidhur me të gjitha aspektet e bashkëpunimit.

    “Jemi dakorduar për të përcaktuar një afat të ri për mbajtjen e mbledhjes së dy qeverive në Shkodër dhe ne presim që situata jo e lehtë e lidhur me Covid të na mundësojë në gjysmën e dytë të shtatorit”, tha kryeministri Rama duke shtuar se me kryeministrin Hoti janë dakorduar edhe për një tjetër element të rëndësishëm, gjithmonë më shpresë se situata me Covid do të na mundësojë që të mbahet një konferencë në nëntor që dy qeveritë të sponsorizojnë kongresin e parë të autoriteteve vendore, i cili ne dëshirojmë të kthehet në një kongres tradicional, ku kryetarët e bashkive/komunave, së bashku me skuadrat e tyre, të mund të ndajnë praktikat e mira, sfidat e përbashkëta në adresimin e problemeve komunitare dhe potencialin e nismave të përbashkëta.

    “ Do jemi gjithmonë në krahë të Kosovës, e mbështesim çdo moment Kosovën”, tha kryeministri Rama.

    I pyetur nga gazetarët për procesin e dialogut, kryeministri Hoti tha se dialogu nuk ka alternativë dhe sa herë që ftohet në Uashington dhe Bruksel, do të shkoj për ta përfaqësuar Kosovën.

    ​Kryeministri Hoti tha se Kosova hyn në procesin e dialogut me parimin për njohje reciproke dhe për normalizim të marrëdhënieve mes dy vendeve tona.

    Nga Rubrika
    Lajme16 Mars 2025
    Haxhi Thaçi, babai i ish-presidentit Hashim Thaçit, ka vdekur të dielën e 16 marsit. I biri i tij këtë javë erdhi në...
    Lajme16 Mars 2025
    Deputetët e Partisë Demokratike të Kosovës janë shprehur të pikëlluar për vdekjen e babait të ish-presidentit, Hashim Thaçi. Enver Hoxhaj është shprehur...
    Lajme16 Mars 2025
    Kryetari i Skenderajt, Fadil Nura, ka reaguar pas vdekjes së Haxhi Thaçit, babait të Presidentit Hashim Thaçit. Ai, përmes një postimi në...
    Të tjera
    Bota/Rajoni16 Mars 2025
    Alsati ka raportuar se në stacionin policor në Karposh në Shkup, në pyetje po merret ish-ministri i Ekonomisë, Kreshnik Bekteshi. Kjo sa...
    Bota/Rajoni16 Mars 2025
    Në orët e hershme të mëngjesit të 16 marsit, pas një zjarri të madh në një diskotekë në Koçan mbetën të vdekur...
    Lajme16 Mars 2025
    Një vilë është përfshirë nga zjarri pasditen e sotme në Brezovicë. Lidhur me rastin detaje ka dhënë Policia e Kosovës. Zëdhënësi për...
    Bota/Rajoni16 Mars 2025
    Pas tragjedisë në Koçan, zëvendëskryeministri i Maqedonisë së Veriut, Izet Mexhiti ka bërë të ditur se sonte në sheshin “Skënderbeu” në Shkup...
    Bota/Rajoni16 Mars 2025
    Arrestohet ish-sekretarja shtetërore e ministrisë së Ekonomisë, Razmina Çekiç. Ish-sekretarja shtetërore e ministrisë së Ekonomisë, është njëra ndër të ndaluar në lidhje...
    Sport16 Mars 2025
    Stacionimi i forcave paqeruajtëse në Ukrainë, siç është propozuar nga Britania dhe Franca, në rast të arritjes së ndonjë armëpushimi me Rusinë,...
    -->

    FrontOnline, © 2025 Të gjitha të drejtat e rezervuara.