Gazetari, Lavdim Hamidi ka qenë i ftuar në emisionin “Expose” prodhim i Gazeta Blic, ku ka folur për Pakon Emergjente.

Sipas Hamidit, kryeministri ka dështuar pasi biznet janë futur në një krizë të thellë ekonomike dhe se qeveria Hoti është vonuar me Pakon Emergjente.

“Realisht kryeministri i cili është doktor i ekonomisë ka bërë dështimin më të madh në këtë kohë ku bizneset janë zhytur në një krizë të thellë ekonomike. Qarkullimi i bizneseve ka rënë mbi 900 milionë euro dhe kjo është një shumë e madhe që do të përcillet më rënie ekonomike të vendit. Kjo qeveri, pra qeveria Hoti është vonuar me Pakon Emergjente e cila ka qenë shumë e vogël për t’i ndihmuar bizneset e mos të flasim për pako të rimëkëmbjes ekonomike e cila ende nuk ka filluar”, tha fillimisht gazetari Lavdim Hamidi.

Tutje ai ka shtuar se qeveria Hoti ka premtuar se do fus miliarda euro për ekonominë, por që nuk ka arritur të fus as miliona.

Gjithashtu, ai ka kritikuar deputetët që kanë marrë paga pa punuar asgjë.

“Shumë biznese janë në krizë pasi kanë rënie qarkullimi e që do të rritet me rritje të papunësisë në vend e ku ne jemi rekord 30 për qind aktualisht dhe në fund të vitit do të jemi edhe me keq. Kjo qeveri ka premtuar miliarda për ekonominë e nuk po arrin të fus as miliona dhe në këtë kohë ende nuk është përmbyll pako emergjente nga 170 euro për puëntorë e mos të flasim për pakon për rimëkëmbje që është e vogël për t’i dalur në ndihmë një vendi siç është Kosova. Mos të flasim për papërgjegjësinë politike në vend shumë, ku deputet janë në pushim dhe marrin paga pa punuar asgjë dhe nuk kanë arritur 10 për qind e trustit që sado pak do ta zbuste ketë krizë ekonomike”, tha gazetari Lavdim Hamidi për “Expose”.