Në Kroaci janë regjistruar 78 raste të reja me coronavirus nga 1.448 persona të testuar gjersa kanë ndërruar jetë tre persona.

Numri i rasteve aktualisht aktive në Kroaci është gjithsej 749, mes tyre 130 pacientë janë në spital, nga të cilët gjashtë janë me frymëmarrës artificiale, njoftoi Shtabi Kombëtar i Krizave.

Që nga 25 shkurt, kur është regjistruar rasti i parë i infeksionit në Kroaci, janë regjistruar gjithsej 5,071 persona të infektuar me coronavirus, nga të cilët 144 kanë vdekur dhe 4178 janë shëruar, transmeton Telegrafi.

Aktualisht janë 2,863 persona në vet-izolim, raporton Hina. Deri më tani, janë testuar gjithsej 117.117 persona.

Sipas Ministrit të Shëndetësisë, Vilija Beros, mesatarja 14-ditore e rasteve të konfirmuara të COVID-19t është 25.4 për 100 mijë banorë. Ai shtoi se 44 persona të punësuar në sistemin shëndetësor janë sëmurë në shtatë ditët e fundit.