Kryeministri i Kosovës, Avdullah Hoti, pas kthimit nga Brukseli, ku u takua me Presidentin e Serbisë, Aleksandër Vuçiq me ndërmjetësimin e Bashkimit Evropian, për arritjen e një marrëveshje finale ndërmjet Kosovës dhe Serbisë, sot i ka ftuar në takim krerët e partive politike në Kosovës.
Ky takim është paraparë të mbahet sot në ora 12:00, me qëllim për t’i informuar krerët e partive politike rreth rifillimit të dialogut me Serbinë dhe hapat e mëtejshëm.
Në këtë takim nuk do të marrin pjesë krerët e partive opozitare në Kosovë.
Nënkryetari i PDK-së, Enver Hoxhaj për Front Online tha se nga kjo parti nuk do të marrin pjesë në takim, pasi që siç tha ai qëndrimet e tyre janë bërë të ditura që në takimin e parë.
“Jo nuk do të marrim pjesë në takim, qëndrime tona janë bërë të ditura që në takimin e parë”, tha shkurt Hoxhaj për Front Online.
