Kryetari i Sindikatës së Bashkuar për Arsim, Shkencë dhe Kulturë  (SBASHK), Rrahman Jasharaj, thotë se vendimi i Kushtetueses për anulimin e Ligjit të Pagave ka qenë i papritur për ta.

Jasharaj në “Debat Plus” me Ermal Pandurin në RTV Dukagjini ka thënë se ky vendim është tepër i pakëndshëm për shumë punëtorë.

Ai ka thënë se në shtator nëse kalon pandemia do të bëjnë veprime sindikale, tha ai.

I pari i SBASHK-ut thotë se beteja e ardhshme do të jetë shumë e vështirë dhe do të zgjasë shumë.

“Iu bëj thirrje sindikatave të caktuara që të ngrenë zërin e tyre në komisionet parlamentare dhe të mos kërkojnë shpëtim te Avokati i Popullit”.

Jasharaj thotë se Administrata Publike përfitoi në ngritjen e koeficientit në krahë të presionit që ka bërë SBASHK-ut.