Ish zëdhënësi i Tribunalit të Hagës për Ish Jugosllavine dhe ish zv-Kryeminstri i Kosovës Dardan Gashi thotë se publikimi zyrtar i propozim aktakuzës është skandaloz dhe jashtë cdo praktike në drejtesinë ndërkombetare.

Sipas tij, shihet qartë se publikimi ka ndodhur për të bllokuar proceset e arritjes së marrëveshjeve me Serbinë.

Ai thotë se Gjykata duhet të merret me këto lëshime serioze të Prokurorisë.

“Shihet qartë se publikimi ka ndodhur për të blllokuar proceset e arritjes së marrëveshjes me Serbinë. Vet gjuha e përdorur në kumtesën e Prokurit është ofenduese dhe skajmërisht e politizuar. Shpresoj që Gjykata do ta merr me seriozitet lëshimet serioze të Prokurorisë dhe prapavinë politike dhe të refuzojë një aktakuzë të tillë”, ka thënë Gashi.