Në ditën e tij të parë të punës, Kryeministri i sapo zgjedhur, Avdullah Hoti ka vizituar Ministrinë e Shëndetësisë (MSh), raporton Front Online.

Hoti është takuar me ministrin e ri të këtij dikasteri Armend Zemajn, për t’u informuar lidhur me mbarëvajtjen e menaxhimit të pandemisë Covid-19.

Hoti deklaroi se i tërë përkushtimi institucional do të shkojë në menaxhimin sa më të mirë të pandemisë Covid-19.

“Ne mbesim të përkushtuar për këtë situatë që po kalojmë. Për ta informuar për ato që po na presin. U informuam për shifrat se sa qytetarë janë të prekur dhe si po shkon gjithçka”, u shpreh i pari i ekzekutivit.

Kryeministri tha po ashtu se kjo qeveri do të punojë krahas një plani të mirëfilltë për, siç ka thënë ai, për ta parandaluar këtë pandemi.

“Ne kemi një plan të zhvilluar për përballje afatgjate për këtë pandemi. Të ndërmarrim masat për të parandaluar këtë virus”, ka deklaruar Hoti.

Ai ka ngushëlluar edhe familjarët e viktimave që humbën betejën me Covid-19.

“Ngushëllojë familjet e personave që kanë humbur jetën në këtë pandemi dhe shërim sa më të shpejt atyre që janë prekur”, shtoi Hoti. /Front Online/

https://www.facebook.com/FrontOnlineMedia/videos/855739811502077/