Lidhur me debatin që po zhvillohet në RTV Dukagjini për ndërprerjen e punimeve në rrugën Plavë-Deçan ka reaguar edhe kryeministri Avdullah Hoti.
Hoti në Facebook ka thënë se rruga do të ndërtohet në bashkëpunim me komunën e Deçanit.
“Pa u ndikuar nga zhurmat nëpër studio televizive, ne do ta ndërtojmë rrugën Deçan-Plavë në bashkëpunim të ngushtë me Deçanin dhe të gjitha institucionet e tjera kompetente, duke respektuar ligjet e shtetit të Kosovës. Zhurma nuk është zgjidhje për shqetësimet e qytetarëve tanë, por puna, angazhimi dhe respektimi i normave ligjore dhe kushtetuese”, ka shkruar Hoti.
Derisa analisti Imer Mushkolaj ka kritikuar Hotin në “Debat Plus” për siç thotë ai “lehtësinë më të cilën ka ndërprerë punimet”, sekretari i OVL UÇK-së Nasim Haradinaj vendimin e Hotiti e ka qujtuar “veprim qyqar”.
Lexo po ashtu:
Mushkolaj: Problemi i rrugës Deçan-Plavë ka ekzistuar edhe te Thaçi e Haradinaj, por Hoti ndërpreu punimet me shumë lehtësi
Mushkolaj: Problemi i rrugës Deçan-Plavë ka ekzistuar edhe te Thaçi e Haradinaj, por Hoti ndërpreu punimet me shumë lehtësi
Ndërsa kryetari i Deçanit Ramosaj ka thënë se presin nga kryeministri ta rishqyrtojnë kërkesën që kishte ndërprerë punimet.
