Shefi i Grupit Parlamentar të LDK-së, Arben Gashi, ka thënë se është model i mirë raportimit i kryeministri Avdullah Hoti në Kuvend edhe para shkuarjes së tijë në Bruksel për takimin me presidentin e Serbisë, Aleksandar Vuçiq dhe pas takimit të tij.

“Kërkesa e Kuvendit për raportin të Hotit është një sinkron i mirë në mes të Kuvendit dhe Qeverisë”.

“Si i zgjedhur nga Kuvendi kryeministri ka detyrë kushtetuese të përfaqësojë vendin, kësaj nuk mundet t’i ik askush”.

“Në detyrën e vet Kushtetuese, kryeministri ka prioritet mbrojtjen e interesit të vendit, kjo bëhet duke krijuar unitet brenda, duke respektuar Kushtetuën dhe duke përfaqësuar vendin”.

Gashi ka thënë se kryeministri aktual nuk e ka zgjedhur rrugën e konfliktit me partnerët ndërkombëtare.

” Jemi një vend i vogël, fakti që jemi vend i vogël nuk do të thotë që ne duhet të dorëzohemi, kjo nuk do të thotë se duhet të prishim marrëdhëniet me partnerët ndërkombëtar”.

“Pjesëmarrja në dialog është e pa diskutueshme dhe nuk duhet të refuzohet”, ka thënë Gashi gjatë seancës së Kuvendit në të cilën ka raportuar Hoti për takimin në Bruksel.

https://www.facebook.com/FrontOnlineMedia/videos/2623184581282143/?eid=ARBOSBytmsmSDTQssbwdKeSBLb-hKCxqh42NP6f0vba4ixJH3LtoY23JVkWm-FLCyJsp6o_kQhLsviWS