Deputeti i Kuvendit të Kosovës nga radhët e AAK-së, Haxhi Shala është i ftuari i radhës i Gjykatës Speciale.

Shala në RTV Dukagjini ka thënë se beson që brenda shtatorit ose do të shkojë në Hagë ose prokurori do të vijë në Kosovë për shkak të pandemisë.

“Detaje në ftesë nuk ka pasur pos që jam i dyshuar dhe në shtator ose do të shkojë në Hagë për t’u intervistuar ose prokurori për shkak të pandemisë do të vijë në Prishtinë për të kryer intervistën”, tha ai.

Ish-ushtari i UÇK-së thotë se ftesa nuk është e befasishme pasi sipas tij kjo gjykatë është formuar për të gjykuar luftën e UÇK-së ose ish-ushtarët e asaj lufte.

“Tash është vonë të marrim ndonjë hap për shfuqizimin e saj. Nuk na mbetet tjetër pos t’u përgjigjemi ftesave të Speciales. Kur është votuar kjo gjykatë në Kuvend është dashur të mendohet”, tha më tej Haxhi Shala./