Isa Mustafa e Ramush Haradinaj kanë pasur një takim sot me ç`rast kanë diskutuar për detajet për një koalicion të mundshëm në mes të dy partive, raporton “Front Online”.

Madje në mes të dy liderëve ka pasur edhe shkëmbim të letrave, e ku pas një letre të shkruar nga Isa Mustafa për Haradinajn është përgjigjur edhe ky i fundit.

Ndër kushtet që janë përmendur në letrën e Haradinajt janë edhe rishikimi i Buxhetit të Republikës së Kosovës, në mënyrë që të korrigjohen “gabimet serioze” në ndarjet selektive buxhetore dhe përfshirjen në investime kapitale të Autostradës së Anamoravës dhe asaj të Dukagjinit, si dhe përshpejtimin e punimeve në pjesën e mbetur të autostradës Prishtinë-Pejë.
Më poshtë mund t`i gjeni letrat e shkëmbyera në mes të dy liderëve. /Front Online