×
  • Lajme
  • Lajme

    Haradinaj: Aktakuzat ndaj Thaçit dhe Veselit janë goditje ndaj lirisë së Kosovës

    FrontOnline
    14 Korrik 2020

    Shefi i Grupit Parlamentar të AAK-së, Daut Haradinaj, ka thënë se aktakuza ndaj Presidentit Hashim Thaçi dhe kryetarit të PDK-së, Kadri  Veselit sulmon në mënyrë direkte lirinë e Kosovës.

    Sipas tij Thaçi dhe Veseli kanë qenë në krye të UCK-së dhe luftës për liri. Ai në Rubikon, ka theksuar se kjo aktakuzë është goditja më e madhe ndërkombëtare ndaj shtetit të Kosovës.

    “Kur je në krye të shtetit, të përgjegjësisë institucionale, natyrisht se efekti i tejkalon kompetencat e presidentit, është goditje për shtetin e Kosovës. Domethënë është një dëm kolateral, nuk është vetëm në individ siç po pretendohet të quhet”, është shprehur Haradinaj, njofton Klan Kosova.

    “Këto janë më shumë humor i zi, nuk është thirrur si individ, nuk është thirrur si rast i izoluar ashtu siç pretendohet. Është thirrur si kreu i luftës, janë thirrur njerëzit e Shtabit të Përgjithshëm, ata nuk janë intervistuar për pjesëmarrje aktive fizike, por për përgjegjësi, në këtë rast mendoj se është një goditje direkt ndaj lirisë së Kosovës, jo vetëm individi ose ish kryeparlamentari në këtë rast, mendoj që është goditja më e lartë që ka ndodhur pas luftës nga drejtësia ndërkombëtare, është direkt e nxitur nga armiqtë e Kosovës”.

    “Pjesëmarrja e Thaçit dhe Veselit por edhe atyre që nuk u janë publikuar emrat në luftën e Kosovës nuk ka qenë asgjë tjetër përveç përpjekje për çlirim. Realizimi i lirisë së Kosovës lidhet direkt me krerët e luftës. Thaçi dhe Veseli kanë bartur përgjegjësi në atë kohë dhe si rezultat e kemi fituar lirinë, e kemi larguar Serbinë prej këtu dhe e kemi shpallur pavarësinë e Kosovës”, ka thënë Haradinaj.

    Ai ka potencuar se UÇK-ja e as Hashim Thaçi nuk kanë kryer krime.

    “Prandaj nuk mendoj që është një goditje në individ dhe nuk besoj që Thaçi është pjesë e atyre krimeve që pretendon prokuroria speciale. Kushdo që e njeh mirë Kosovën, luftën e Kosovës, është një shpifje absurde t’i thuhet Thaçit ti je përgjegjës për 100 vrasje. Prandaj shqiptarët duhet të jenë unik sepse është një rrezik permanent që i kanoset Kosovës, këtu po shihet edhe ndikimi rus dhe ndikimi serb edhe tek raporti i Dick Marty-t edhe tek procedurat e tjera pastaj.”

    Ai ka vazhduar duke thënë se ndonëse me Thaçin janë kundërshtarë politikë, kur bëhet fjalë për luftën në Kosovë do ta mbrojë gjithmonë.

    “Thaçi thirret si kreu i Shtabit të Përgjithshëm, në atë kohë Drejtor Politik i UÇK-së, por sot për sot Presidenti i Kosovës, i zgjedhur në parlament,  bindjet e mia politike në raport me Thaçin nuk kanë rol.”

    Bigbrother Vip Kosova dhe Bigbrother Vip Albania në Artmotion
    Nga Rubrika
    Lajme25 Qershor 2024
    Është hapur sërish grupi “Albkings”, i cili po publikon foto e video intime, por edhe të dhënat personale të grave e vajzave....
    Lajme25 Qershor 2024
    KD Events & Communications ka reaguar pasi u përfol se hyrja në Prishtina Football Fest është me pagesë. Kjo kompani ka thënë...
    Lajme25 Qershor 2024
    Deputetja nga radhët e LDK-së, Vlora Dumoshi ka reaguar pas vendimit të Gjykatës Kushtuetuese lidhur me rastin e shkarkimit të Kimete Gashi,...
    Të tjera
    Bota/Rajoni25 Qershor 2024
    Shtetet e Bashkuara pritet të njoftojnë të martën një paketë të re ndihme ushtarake për Ukrainën prej 150 milionë dollarësh. Lajmi u...
    Sport25 Qershor 2024
    Kylian Mbappe rrezikon të humbasë ndeshjen e fazës së 1/8-tës së Francës në Euro 2024 nëse një gjë ndodh në rikthimin e...
    Lajme25 Qershor 2024
    Kryetari i Aleancës Kosovare të Bizneseve, Agim Shahini ka vlerësuar se sanksionet e BE-së kundër Kosovës dhe të Kosovës kundër Serbisë kanë...
    Lajme25 Qershor 2024
    Në kuadër të vizitës së saj në Luksemburg, ministrja e Punëve të Jashtme dhe Diasporës, Donika Gërvalla, me ftesë të Dukës së...
    Lajme25 Qershor 2024
    Policia ka arrestuar pesë të dyshuar lidhur me grabitjen e ndodhur më 1 qershor, në fshatin Stanoc të Vushtrrisë. Atyre iu vendosen...
    Lajme25 Qershor 2024
    Policia e Kosovës për rajonin e Prishtinës, respektivisht, njësiti i hetimeve të stacionit policor Qendra me rekomandimin e prokurorit të shtetit ka...

    FrontOnline, © 2024 Të gjitha të drejtat e rezervuara.