Lajme

Haki Abazi i reagon Grenellit: Hoti kryeministër kukull, s’ka autoritet ta përfaqësojë askënd në Kosovë

Haki Abazi i reagon Grenellit: Hoti kryeministër kukull, s’ka autoritet ta përfaqësojë askënd në Kosovë
12:42 | 25 Qershor 2020

Emisari i SHBA’së, Richard Grenell, ka njoftuar dje se presidenti i Kosovës, Hashim Thaçi, ka njoftuar për anulimin e udhëtimit drejt Washingtonit pas aktakuzës së ngritur nga Prokuroria Speciale.

Grenell kishte thënë se pavarësisht kësaj, takimi i 27 qershorit në Washington do të mbahet dhe se në të do të marrë pjesë kryeministri Hoti.

Ndaj një qëndrimi të tillë ka reaguar ish-zëvendësi i Kurtit sa ishte kryeministër, Haki Abazi, duke e cilësuar Hotin si kryeministër kukull dhe të pa legjitimitet, meqë sipas Abazit qeveria Hoti ishte krijuar me mbështetjen e Thaçit.

“Një kryeministër kukull i një qeveri ilegale nuk ka autoritet për të diskutuar apo përfaqësuar askënd në Kosovë. Qeveria e tij ishte krijuar pas shtytjes së deputetëve nga Thaçi në orën 1 të mëngjesit”, ka shkruar Abazi.

Megjithatë, Hoti sot ka njoftuar se për shkak të zhvillimeve nuk do të udhëtojë drejt Washingtonit, derisa ende s’është dhënë ndonjë njoftim nga zyra e Grenellit nëse do të anulohet i gjithë takimi.

Me rastin e Black Friday, 28 Nëntorit dhe 32 vjetorin e kompanisë, Petrol Company me çmime marramendëse në derivate dhe…

Të tjera