×
  • Bota/Rajoni
  • Bota/Rajoni

    Gjermania merr vendim për kosovarët dhe shtetasit e tjerë që kalojnë pushimet në vendet e rrezikuara me koronavirus

    FrontOnline
    27 Korrik 2020

    Ministri gjerman i Shëndetësisë, Jens Spahn, po verifikon mundësinë e testeve të detyruara të koronës për pushuesit që kthehen nga zonat e rrezikuara. Ndërkohë flitet se vala e dytë e koronës është realitet në Gjermani.

    “Ne po verifikojmë detyrimin ligjor”, për testet e koronës tha Jens Spahn (CDU) të shtunën për radion gjermane, Deutschlandfunk lidhur me mundësinë e vendosjes së testeve të detyruara për ata pushues që kthehen nga zonat e rrezikuara. Sphan e argumenton këtë masë me rritjen e numrit të infeksioneve të reja. “Një numër i tillë kaq i lartë nuk ishte prej kohësh”, ka thënë Spahn, duke theksuar, se “ajo që kemi për momentin janë shumë vatra të vogla shpërthimi”, që shumicën e rasteve ka të bëjë me aktivitetet e udhëtimeve.

    Testi i detyruar jo aq i lehtë nga ana ligjore

    Por një test i detyruar shkon përtej vendimit të ministrave të Shëndetësisë së landeve të premten. Sipas tij në aeroporte do të ngriheshin qendra testimi, ku të kthyerit nga pushimet do të testoheshin pa kosto dhe vullnetarisht. Sipas Spahn për detyrimin e testimit ka pengesa të mëdha ligjore. “Është një ndërhyrje në liri detyrimi që i vihet dikujt për testim.” Gjykatat e shohin “me shumë vëmendje që çdo ndërhyrje të jetë proporcional”, ka thënë Spahn, që është shprehur, se ende beson në testimin vullnetar dhe arsyen e pushuesve.

    Ndërkohë autoritetet gjermane shënojnë shifra të larta të Coronës. Rreth 800 raste në ditë janë regjistruar së fundmi. Vetëm të premten Instituti Robert Koch regjistroi 815 raste. Gjithsej në Gjermani janë 202.964 vetë të infektuar. Shifrat janë shqetësuese. “Më parë kjo shifër ishte afër 500 vetë në ditë ose dukshëm më poshtë”, tha një zëdhënëse e RKI. Edhe virologu Jonas Schmidt-Chanasit nga Instituti i Hamburgut, Bernard Nocht u shpreh për “një rritje të sipërfaqes” së infektimeve.

    Vala e dytë ndërkohë është prezente

    Kryeministri i landit gjerman të Saksonisë, Michael Kretschmer është shprehur, se e kemi ndërkohë një valë të dytë infektimesh. Ajo është aty, tha ai për gazetën „Rheinische Post”. „Kemi përditë vatra të reja infeksionesh, nga të cilat mund të rezultojnë shifra shumë të larta”, tha Kretschmer. Detyra aktuale është të ndërpritet kjo valë përditë. Sipas tij kjo „habitshëm po bëhet shumë mirë”. Si Jens Spahn, edhe Michael Kretschmer i CDU-së e lidh rritjen e infeksioneve me udhëtimet, dhe sjelljen e virusit nga jashtë. Kryeministri i Saksonisë kërkon për këtë teste të detyrueshme të Coronës për ata që kthehen nga zonat e rrezikuara.

    Por shifrat po rriten jo vetëm në Gjermani. Organizata Botërore e Shëndetësisë ndërkohë njofton, se numri i infektimeve të reja në ditë është më i lartë, se kurrë që nga fillimi i pandemisë. Të premten në mbrëmje janë regjistruar 284.196 raste të reja. Numrin më të lartë të infektimeve e shënon SHBA, Brazili, India dhe Afrika Jugore. Që nga shpërthimi i pandemisë janë infektuar 15,3 milionë vetë dhe 630.000 vetë kanë humbur jetën si pasojë e virusit Corona.

    Nga Rubrika
    Bota/Rajoni16 Mars 2025
    Ambasadori i Shqipërisë në Maqedoninë e Veriut, Denion Meidani, në një reagim për “Off the Record” me Andrea Dangllin në A2CNN, ka...
    Bota/Rajoni16 Mars 2025
    Alsati ka raportuar se në stacionin policor në Karposh në Shkup, në pyetje po merret ish-ministri i Ekonomisë, Kreshnik Bekteshi. Kjo sa...
    Bota/Rajoni16 Mars 2025
    Në orët e hershme të mëngjesit të 16 marsit, pas një zjarri të madh në një diskotekë në Koçan mbetën të vdekur...
    Të tjera
    Lajme17 Mars 2025
    Haxhi Thaçi, babai i ish-presidentit të Kosovës, Hashim Thaçi, ka ndërruar jetë. Avokati Arianit Koci ka reaguar duke theksuar se Hashim Thaçit...
    Lajme17 Mars 2025
    Ish-ambasadori i Kosovës në Mbretërinë e Bashkuar, aktualisht profesor universitar, Muhamet Hamiti, për FrontOnline, thotë se Kosova me Qeverinë Kurti, i ka...
    Lajme17 Mars 2025
    Deputetja e LDK-së, Hykmete Bajrami ka ngushëlluar familjen e ish-Presidentit dhe ish-kryeministrit, Hashim Thaçi, për vdekjen e babait të tij, Haxhi Thaçi,...
    Lajme17 Mars 2025
    Më 17 mars 2004, filluan protestat që më vonë do të përmenden si “Trazirat e marsit”. Ato zgjatën dy ditë, e gjatë...
    Lajme17 Mars 2025
    Ramush Haradinaj ka shprehur ngushëllime familjes Thaçi për vdekjen e Haxhi Thaçit- babait të ish presidentit Hashim Thaçi. Haradinaj ka thënë se...
    Lajme17 Mars 2025
    Fisnik Ismaili është i ftuar sonte në emisionin sportiv “Favorit” në T7. Ai i ka dizajnuar fanellat e reja të Kombëtares së...
    -->

    FrontOnline, © 2025 Të gjitha të drejtat e rezervuara.