Drejtori për Shëndetësi në komunën e Prishtinës, Bujar Gashi sot vizitoi Qendrën Kryesore të Mjekësisë̈ Familjare dhe personelin shëndetësor të cilët nga fillimi i pandemisë̈ me COVID-19 janë në vijën e parë të frontit duke u ballafaquar me këtë virus.

Në një postim të publikuar nga kryetari i Prishtinës, Shpend Ahmeti ka shkruar se situata epidemiologjike mbetet edhe më tutje e rënduar, dhe se për këtë duhet të fillohet me implementimin e pratikës për caktimin e terminëve për vizita kontrolluese në Qendra e Mjekësisë Familjare.

“Situata epidemiologjike mbetet edhe më tutje e rënduar, prandaj edhe është momenti i duhur që të fillojmë me implementimin e praktikes për caktimin e terminëve për vizita kontrolluese në Qendra të Mjekësisë Familjare. Kjo po bëhet me qëllim të lehtësimit të qasjes së qytetarëve në shërbime shëndetësore, si dhe që mjeku të ketë kohë të mjaftueshme ta ekzaminojë në mënyrë adekuate secilin pacient. Natyrisht, rastet urgjente do të trajtohen me përparësi pa caktuar termin”, shkruhet në statusin e Ahmetit.

Qytetarëve iu është kërkuar që të vazhdojnë të mbajnë maskat, të respektojnë distancën fizike si dhe të pastrojnë duart.