Ish-ushtari i Ushtrisë Çlirimtare të Kosovës, Gani Geci, ka thënë se sapo ka lexuar një shkrim që Shaban Syla paska dyshime që djemtë e tij [Gani Gecit] gjoja kanë sulmuar familjen e Shaban Sylës.

Sipas tij, njerëzit e Azem Sylës sa herë kanë probleme me drejtësinë fërkohen rreth familjes Geci, njofton Klan Kosova.

“Ftoj organet e rendit hetuesisë dhe drejtësisë që të hetojë djemtë e mi, vëllezërit e mi, nipat e mi e të gjithë njerëzit e mi të njohur e të pa njohur rreth dyshimeve të Shaban Sylës”.

“Ndërsa jo vetëm Shaban Sylës, por kujtdo që ka dyshime çfarëdo qofshin ato unë dhe familja ime jemi të gatshëm t’i përgjigjemi për cilindo dyshim”.