Drejtori i FBI-së ka thënë se “aktet e spiunazhit dhe vjedhjes nga qeveria e Kinës paraqesin kërcënimin më të madh afatgjatë për të ardhmen e SHBA-së”.
Duke folur para Institutit Hudson në Washington, Christopher Wray përshkroi një fushatë përçarje shumë-palësh.
Ai tha se Kina kishte filluar të shënjestronte shtetasit kinezë që jetojnë jashtë vendit, duke detyruar kthimin e tyre dhe se po punonte për të kompromentuar studimet e amerikanëve për koronavirusin.
“Kina është e angazhuar në një përpjekje të plotë të shtetit për t’u bërë superfuqia e vetme në botë me çdo mjet të nevojshëm”, tha ai.
Në një fjalim gati një orësh të martën, Drejtori i FBI-së paraqiti një pamje të ashpër të ndërhyrjeve kineze, një fushatë të gjerë të spiunazhit ekonomik, të dhëna dhe vjedhje monetare dhe aktivitete të paligjshme politike, duke përdorur ryshfet dhe shantazhe për të ndikuar në politikën e SHBA-ve, raporton BBC.
