Deputeti i Lëvizjes Vetëvendosje, Hekuran Murati, i cili është edhe kryetari i komisionit për Buxhet dhe Financa në një konferencë për media ka treguar efektet negative që ka në ekonominë e vendit marrëveshja për Mini-Shengenin e arritur në Uashington ndërmjet Kosovës dhe Serbisë.
Ai tha se delegacioni i Kosovës i prirë nga Kryeministrit jo legjitim, Avdullah Hoti në Uashington përfunduan duke nënshkruajtur shumë gjëra të cilat edhe vetë ata i kanë kundërshtuar siç është marrëveshja me Mini-Shengenin, të cilin e kanë quajtur Mini-Jugosllavia e re.
“Delegacioni i Kosovës përfundun duke nënshkru edhe gjana që vetë i kanë kundërshtu, këtu përmendim Mini-Shengenin. Nëse Kosova ka shkua atje për me ba favore kjo nuk i ndihmon Kosovës. Kjo nuk është marrëveshje, por një listë zotimesh të cilat i ka marrë Kosova. Konflikti jonë me Serbinë nuk është ekonomik por politik.Nënshkruhet zotimi se Kosova do të bëhet pjesë e kësaj zone, pra Mini-Shengen. Kjo qeveri jolegjitime ka nënshkru që ta bëjë Kosovën zonë të Novi-Sadit. Ne nuk kemi asnjë përfitim nga kjo marrëveshje, kjo bëhet vetëm për të favorizu Serbinë. Kjo na rikthen edhe tek një situatë tjetër në Kuvend. Delegacioni që shkoi atje i ofrun korridorin pa marrë në këmbim asgjë. Edhe ato gjëra që janë ekonomike nuk shkojnë në favorin tonë. i shkojnë në favor Serbisë” tha Murati.
