Komisioni Evropian ka planifikuar që të ndajë një fond prej 3 miliardë eurosh në luftën kundër pandemisë COVID-19. Në mesin e shteteve të cilat do të përfitojnë nga një fond i tillë do të jetë edhe Republika e Kosovës.
Një gjë të tillë e ka konfimruar Vladis Dembrovskis, i cili është zëvëndëspresident i Komisionit Evropian.
“Shtete përfituese të propozimit tremiliardësh të Komisionit Evropian për koronavirusin janë Shqipëria, Bosnje e Hercegovina, Gjerogjia, Jordania, Kosova, Moldavia, Mali i Zi, Tunizia, Maqedonia e Veriut dhe Ukraina”, ka njoftuar Dembrovskis.
Pjesa më e madhe e këtyre fondeve do të shkojë për Ukrainën, ku do t’i ndahen 1.2 miliard, derisa Kosova do të përfitojë 100 milionë euro, që do të jepen si huazim.
Këto mjete financiare janë ndarë nga Bashkimi Evropian për të ndihmuar vendet për të investuar mjetet në fushat ku më së shumti ka nevojë aktualisht në kohën e pandemisë, siç është sistemi shëndetësor.
The ?? EU wants to support its partner countries in dealing with #coronavirus economic impact – @EU_Commission plans special use of macro-financial assistance loans to help them address immediate financing needs, like healthcare ??https://t.co/sjk9wMP5bq pic.twitter.com/O62eaD4Wgt
— Valdis Dombrovskis (@VDombrovskis) April 22, 2020
