Gjashtë raste të dhunës në familje janë raportuar gjatë ditës së djeshme në Policinë e Kosovës, raporton Front Online.

Policia e Kosovës përmes një njoftimi ka bërë të ditur se dy raste të dhunës në familje janë raportuar në Fushë Kosovë, një në Graqanicë, një në Gjilan, një në Rahovec dhe një në Vushtrri.

Njoftimi i policisë:

Fushë Kosovë 02.09.2020 – 13:35. Viktima femër kosovare ka informuar se i dyshuari mashkull kosovar e kishte sulmuar fizikisht. Viktima ka pranuar tretman mjekësor. I dyshuar gjendet në arrati. Rasti është duke u hetuar.

Fushë Kosovë 02.09.2020 – 15:13. Është arrestuar i dyshuari mashkull kosovar, pasi që i njëjti kishte ushtruar dhunë në familje. Nuk raportohet për të lënduar. Me vendim të prokurorit, i dyshuari është dërguar në mbajtje.

Graqanicë 02.09.2020 – 14:00. Është arrestuar një i dyshuar mashkull kosovar pasi i njëjti ka qenë nën ndikim të alkoolit ka sulmuar viktimën femër kosovare dhe i njëjti me urdhër të prokurorit është dërguar në mbajtje.

Gjilan 02.09.2020 – 13:00. Është arrestuar një i dyshuar mashkull kosovar pasi i njëjti ka sulmuar fizikisht viktimën femër kosovare. Me urdhër të prokurorit i dyshuari është dërguar në mbajtje.

Rahovec 02.09.2020 – 09:37. Është arrestuar i dyshuari mashkull kosovar, pasi i njëjti kishte ushtruar dhunë ndaj viktimës femër kosovare. Pas tretmanit mjekësor, me vendim të prokurorit, i njëjti është dërguar në mbajtje.

Vushtrri 02.09.2020 – 16:30. Viktima femër kosovare ka raportuar se është sulmuar fizikisht nga i dyshuari mashkull kosovar. Viktimës i ishte ofruar tretman mjekësor ndërsa i dyshuar është në kërkim. Rasti është duke u hetuar./Front Online/