180 milionë euro është shuma që Shqipëria do të përfitojë nga Bashkimi Evropian për të përballuar pasojat në ekonomi për shkak të pandemisë.
Për Shqipërinë kushtet e vendosura nga BE janë që ato të përdoren për forcimin e financave publike, qëndrueshmërinë në sektorin financiar, përmirësimin e qeverisjes, luftën kundër korrupsionit dhe mbrojtjen sociale.
Ndihma financiare, pjesë e marrëveshjes së mirëkuptimit, përfshin vendet kandidate për anëtarësim në Bashkimin Evropian.
Nga kjo ndihmë përfituese është edhe Kosova, me 100 milionë euro.
Përmes një statusi në rrjetet sociale, ambasadori i BE-së në Tiranë, Luigi Soreca shkruan se edhe njëherë Bashkimi Evropian tregon solidaritetin me vendet e rajonit në kohën e një krize të paprecedentë.
The @EU_Commission has now agreed eight macro-financial assistance programmes to support enlargement 🇦🇱🇽🇰🇲🇪🇲🇰 & neighbourhood 🇬🇪🇯🇴🇲🇩🇺🇦 partners to limit the economic fallout of the #coronavirus pandemic.
More info➡️ https://t.co/HjNXE5Pw2z#WeStandTogether pic.twitter.com/J2Q3CVlnwe
— EU NEAR🇪🇺 (@eu_near) August 11, 2020
