Ambasadori kinez paralajmëron Britaninë rreth “ndërhyrjeve”

Kina ka paralajmëruar Britaninë që të mos ndërhyjë në Hong Kong pas vendosjes së Ligjit të Ri të Sigurisë, ndërkohë që një aktivist pro-demokraci bëri lutje për përkrahje ndërkombëtare.

Ambasadori Liu Xiaoming tha se oferta e Britanisë që t’i japë shtetësi 3 milionë banorëve të Hong Kongut ishte një “ndërhyrje e ashpër’.

Oferta nga Britania erdh pasi që Pekini aprovoi ligjin e ri kontrovers, shkruan BBC.

Kundërshtarët thonë se ky ligj i jep fund gjysmë-autonomisë që ka ky rajon, transmeton KOHA.

Aktivisti Joshua Wong më herët kishte bërë lutje tërë botës për përkrahje, duke kërkuar që të mos i përkulen Pekinit.

Por ambasadori Liu tha se shpresonte që Britania do të ri mendonte mirë ofertën. “Qeveria e Britanisë vazhdimisht bën komente të papërgjegjshme mbi çështjet e Hong Kongut” i tha ai reporterëve.

Britania ka argumentuar se Kina ka shkelur marrëveshjen e bërë në vitin 1997, ku Hong Kongut iu dhanë liri të caktuara për 50 vitet e ardhshme, në shkëmbim për kthimin e këtij territori Pekinit.

Është koha të shijojmë çokollatën më të mirë..

Sponsoruar