[wp-story]

Bota/Rajoni

Ambasadori amerikan në Rusi: Dënimi i ish-marinsit i kërcënon marrëdhëniet tona

Ambasadori amerikan në Rusi: Dënimi i ish-marinsit i kërcënon marrëdhëniet tona
12:06 | 15 Qershor 2020

Ambasadori i Shteteve të Bashkuara në Rusi, John Sullivan, ka thënë se dënimi i ish-marinsit amerikan, Paul Whelan, me 16 vjet burgim për spiunazh do t’i dëmtojë raportet mes Moskës dhe Uashingtonit.

Avokati i Whelan-it tha pas vendimit të gjykatës se klientit të tij i është thënë se do të jetë pjesë e një shkëmbimi të të burgosurve me një shtetas rus që po mbahet në Shtetet e Bashkuara, shkruan “Reuters”, transmeton Gazeta Express.

Ministria e Punëve të Jashtme e Rusisë ka thënë se e ka propozuar këtë shkëmbim në shumë raste.

Paul Whelan u dënua me 16 vjet burgim nga një gjykatë ruse nën akuzën se ka spiunuar në dobi të Shteteve të Bashkuara.

Moska thotë se Whelan është kapur me një USB që përmbante të dhëna të klasifikuara. Ëhelan është deklaruar i pafajshëm dhe ka thënë se ka menduar që USB-ja, që e kishte marrë nga një mik rus, përmbante fotografi të pushimeve.

Prokurorët rusë, të cilët e kanë akuzuar Whelan-in se ka qenë së paku kolonel i inteligjencës ushtarake në Shtetet e Bashkuara, kishin kërkuar nga gjykata që ai të dënohej me 18 vjet burgim dhe që dënimin ta vuante në një burg të sigurisë së lartë.

Benzinë vetëm 1.05 euro në Petrol Company e shumë zbritje tjera në “Be Happy Restorant” dhe Market

Të tjera