Albulena Haxhiu aludon se as Grenell s’u beson fjalëve të veta për Albin Kurtin

Albulena Haxhiu e VV-së i ka dalë në mbrojtje shefit të saj në parti, Albin Kurtit, pas reagimit të Richard Grenell ku e akuzonte të parin e VV-së për anti-amerikanizëm.

Me anë të një postimi në Facebook, Haxhiu ka thënë se sipas saj, një fjali e tillë është klishe e vjetër ndaj VV-së, dhe e njëjta është e tejkaluar.

“Së dyti, Kosova është vendi më pro-amerikan në botë, pas vet ShBA-ve. Si mund të jetë njeriu më i votuar i popullit më pro-amerikan një anti-amerikan?”, ka shkruar Haxhiu.

Postimi i plotë:

Së pari, as Albin Kurti as Lëvizja VETËVENDOSJE! nuk janë anti-amerikane. Kjo është klishe e vjetër që është bërë ndaj VV-së dhe tashmë kjo gjë është e tejkaluar, askush nuk beson në të, madje as vet ata që e thonë.

Së dyti, Kosova është vendi më pro-amerikan në botë, pas vet ShBA-ve. Si mund të jetë njeriu më i votuar i popullit më pro-amerikan një anti-amerikan?
Pra, populli e ka shumë të qartë se kush është VV e Albin Kurti.

Së treti, ne historikisht kemi kritikuar pozicionet e gabuara dhe të dëmshme të palëve nga Kosova dhe historia po na e dëshmon që kemi pasur të drejtë, nga demarkacioni te zajdenica e deri tash kur u dha shumçka e su mor asgjë. Kjo nuk ka të bëjë fare me Amerikën.

Super zbritje në “Petrol Company”

Sponsoruar