Presidenti i Kosovës, Hashim Thaçi tash e disa herë në paraqitjet e tij publike është parë pa maskë.
Pa maskë në disa takime që kishte sot, është parë edhe koordinatori Shtetëror për Dialogun Kosovë-Serbi, Skender Hyseni.
Ai gjatë ditës është takuar sot me nënkryetarin e PDK-së, Enver Hoxhaj, ku kanë diskutuar për dialogun Kosovë-Serbi në Bruksel dhe me kreun e Nismës, Fatmir Limaj.
Në të dy paraqitjet, të gjithë kanë qenë pa maska.
I pyetur se a vlenë ligji edhe për zyrtarët e shtetit, e jo vetëm për qytetarët e thjeshtë, dhe se a mund të dënohen edhe Thaçi e Hyseni, Ministri i Shëndetësisë, Armend Zemaj nga konferenca për media tha se ligji duhet të funksionojë njëjtë për të gjithë pa dallim.
“Të gjithë qytetarët pavarësisht funksionit apo pozitës janë të obliguar t’i respektojnë vendimet e Qeverisë dhe masat anti-Covid, u shpreh shkurt Zemaj.
