×
  • Ekonomi
  • Ekonomi

    Përfaqësuesit e franshizave në Kosovë inkurajojnë zhvillimin e këtij modeli të biznesit

    FrontOnline
    13 Nëntor 2020

    Oda Ekonomike Amerikane në Kosovë, e mbështetur nga USAID/Programi për Qeverisje Ekonomike në Kosovë organizuan një forum virtual për promovimin e franshizmit si model i biznesit në Kosovë, gjatë së cilit me një panel përfaqësuesish të franshizë dhënësve si dhe franshizë marrësve të kompanive të njohura globalisht, u nënvizuan përparësitë që ofron një model i tillë i biznesit në zhvillimin ekonomik si dhe nxitjen e investimeve në vend.

    Drejtori ekzekutiv i Odës Amerikane, Arian Zeka, foli për rëndësinë e zhvillimit të franshizmit, ku përmendi se Kosova pavarësisht zhvillimeve pozitive përgjatë viteve të fundit, ende karakterizohet me vështirësi për qasje në financa dhe rrjedhimisht për rritje dhe zgjerim të kompanive. Zeka po ashtu përmendi kapitalin si një përparësi të rëndësishme të franshizimit, ndërsa tha se në rrethana të financimit të bazuara kryesisht në kolateral, ky model ndihmon në realizimin e synimeve duke mundësuar rritjen e pikave të reja të biznesit, pa pasur nevojë për rritje të ekspozimit kreditor, por edhe në mbajtjen e një rreziku minimalist afarist.

    Ardian Hoxha, franshizë marrës i SushiCo dhe franshizë dhënës i Green and Protein, njëherit edhe moderator i forumit, potencoi ndikimet e dukshme të franshizmit në ekonominë e vendit, duke përfshirë krijimin e vendeve të punës, modernizimin ekonomik, përshtatjet në bilancin e pagesave, zhvillimin e ndërmarrësisë dhe ndihmën në zhvillimin e fuqisë punëtore. Nga aspekti i të dyja anëve, pra edhe atij të franshizë dhënësit, por edhe të franshizë marrësit, Hoxha tha se e inkurajon zhvillimin e këtij lloji të biznesit në Kosovë, meqë i njëjti është shumë edukativ për biznese, si dhe ka efekte zinxhirore në përmirësimin e zinxhirit të furnizimit, përmirësimin e proceseve të biznesit, si dhe rritjen e kualitetit të produkteve dhe shërbimeve.

    Shkumbin Muçolli, menaxher i përgjithshëm në kompaninë Burger King theksoi se franshizat janë zgjedhje e mirë për investitorë, pasi që bizneset që shfrytëzojnë këtë model janë të formuara mirë dhe funksionale në vende të ndryshme të botës. Sipas Muçollit, një ndër përparësitë kryesore të franshizave është strukturimi edhe organizimi i stafit brenda kompanive të vendit. Për më tepër, Muçolli ofroi disa këshilla për ndërmarrësit e interesuar të bëhen franshizë marrës, ku theksoi se të njëjtit duhet të studiojnë mirë tregun, si dhe të punojnë drejt sigurimit të përmbushjes së standardeve të kërkuara nga franshizë dhënësit.

    Erëmal Bajrami, menaxher i përgjithshëm në kompaninë KFC Kosova duke iu referuar konceptit të franshizmit si dhe historikut të korporatës që ai përfaqëson, tha se ky model biznesi i jep mundësi korporatës të zhvillohet në nivel global, si dhe të hap rrugë për investime në bizneset e franshizuara. Sipas Bajramit, franshizimi mund të sjellë përfitime të shumëta qoftë direkte apo edhe indirekte për ekonominë e Kosovës, derisa përmendi se prania më e madhe e bizneseve të këtij modeli mund të incentivizojë rritjen e kualitetit të produkteve të prodhuara në vend, si dhe zhvillimin e fuqisë punëtore në mes të tjerash.

    Nga Rubrika
    Ekonomi19 Korrik 2025
    Si pasojë e zjarreve që ishin jo të pakta, në ditët me temperatura të larta, nga korriku janë djegur sipërfaqe të tëra...
    Ekonomi19 Korrik 2025
    Pritshmëritë e strukturave kryesore akomoduese përgjatë bregdetit të Durrësit nuk reflektojnë numrin e turistëve që ndodhen aktualisht aty. Një nga administratorët e...
    Ekonomi17 Korrik 2025
    Banka Qendrore e Kosovës ka njoftuar se pas vendimit të Bankës Botërore edhe Fondi Monetar Ndërkombëtar (FMN) ka hequr Kosovën nga lista...
    Të tjera
    Sport20 Korrik 2025
    Garuesi nga Kosova, Shkëlzen Goqi, është diskualifikuar nga një garë tradicionale kërcimesh në ujë të mbajtur dje në “Urën e Vezirovit” në...
    Bota/Rajoni20 Korrik 2025
    30 mjete lundruese janë bllokuar nga policia Detare dhe Kufitare gjatë monitorimit nga Ksamili në Koman përgjatë kësaj jave. Sipas policisë, 12...
    Bota/Rajoni20 Korrik 2025
    Prokuroria e Posaçme kundër Korrupsionit dhe Krimit të Organizuar në Shqipëri e ka goditur një grup të strukturuar kriminal, të cilët kanë...
    Bota/Rajoni20 Korrik 2025
    Komisioni i BE-së do të vendosë tatime më të larta për produktet e duhanit. Industria paralajmëron për çmime në stratosferë, dhe e...
    Bota/Rajoni20 Korrik 2025
    Kryeministri Edi Rama ka publikuar këtë të diel një foto që tregon lirimin e hapësirave publike të zëna më parë nga ndërtimet...
    Lajme20 Korrik 2025
    Burim Ramadani, një njohës i çështjeve të sigurisë, ish kryeinspektor i Agjencisë së Kosovës për Inteligjencë, ka paralajmëruar një “skenar të errët”...
    -->

    FrontOnline, © 2025 Të gjitha të drejtat e rezervuara.