I dërguari special i presidentit Donald Trump për dialogun Kosovë-Serbi, Richard Grenell arrin sot për vizitë zyrtare në Kosovë, bashkë me një delegacion të qeverisë amerikane i udhëhequr nga kryeshefi Ekzekutiv i Korporatës Ndërkombëtare të Financave të Zhvillimit të SHBA-së (DFC) Adam Boehler.

Vizita bëhet me qëllim të fillimit të zbatimit të marrëveshjes për normalizimin ekonomik mes Kosovës dhe Serbisë, të arritur më 4 shtator në Uashington.

Vizita e tij është komentuar në medie, madje pati edhe spekulime se Grenell në këtë vizitë do të jap edhe lajmin se SHBA-ja do të heq vizat për Kosovën.

Qëndrimeve të Grenellit i ka dalë kundër jo rrallë Lëvizja Vetëvendosje.

Tensionet u vërejtën edhe në takimin e fundit kur Grenell ishte në Kosovë dhe takoi liderët veç e veç.

Edhe sot kur Grenell pritet të qëndrojë në Kosovë, deputetë të kësaj partie kanë zgjedhur të “heshtin”.

Të kontaktuar nga Front Online, deputetë e nënkryetarë të kësaj partie nuk kanë pranuar të flasin në lidhje me vizitën.

Disa prej tyre me të dëgjuar pyetjet e portalit, thanë se nuk e  komentojnë vizitën.

Përveç deputetëve, të pa qasshëm kanë qenë edhe nga zyra për medie e kësaj partie.

Kundërshtitë ndërmjet Grenellit dhe liderit të VV-së, Albin Kurtit, nisën qysh në kohën kur ky i fundit ishte kryeministër.

Atë kohë Kurti refuzoi në mënyrë të vazhdueshme thirrjen e Washingtonit për heqje të taksës pa vendosur kushte të tjera shtesë.

Ai u ballafaqua edhe me saknsione amerikane sepse kundërshtonte politikën e Ambasadorit Grenell që marrëveshja Kosovë-Serbi të arrihej shpejt në SHBA.

Një çasje e tillë ka rezultuar më një mocion mos-besimi të organizuar nga partneri i koalicionit që çoi Kurtin në rrëzim.

Lidhja Demokratike e Kosovës deklaronte se nuk dëshirojnë të qëndrojnë në një qeveri anti-amerikane.