Gjatë emisioni Info Magazinë u diskutua për takimin e 4 shtatorit në Washington.
Safet Gërxhaliu, ekspert i ekonomisë tha se dialogu nuk ka alternativë, e kundërta nuk i konvenon as Kosovës e as SerbisëSipas tij nuk ka mundësi për marrëveshje ekonomike pa ngjyrime politike, ka shumë marrëveshje të nënshkruara por duhet të implementohen ato.
“Më në fund ka përkushtim të Shtëpisë së bardhë, e besoj se tani marrëveshjet do të implementohen”, tha Gërxhaliu.Gërxhaliu tha se delegacioni kosovar ka më shumë ngjyrime politike se ekonomike.Ai pret marrëveshje, “por do ta kenë efektin vetëm me urdhër obligativ nga SHBA”, deklaroi ai.
E sipas ish drejtorit të Aviacionit Civil, Eset Berisha, tha se me marrëveshjen e linjës ajrore, Kosova do të fitonte shumë, e janë arritur disa gjëra, u njoh vija ajrore defakto nga Serbia, poashtu u njoh puna e aeroportit të Kosovës.
Ai shtoi se për zbatimin e marrëveshjes për linjën ajrore, ka pasur nevojë për marrëveshje teknike me KFOR sepse është KFOR-i përgjegjës për linjën ajrore të Kosovës, e ka mungu dhënja e kompetencave nga ta prandaj nuk ka mundur të impelementohet ajo marrëveshje.
Berisha shtoi se kanë pasur dy takime me KFOR por delegacioni i Serbisë nuk mori pjesë në ato takime, nuk u dha arsyetim për mungesën e Serbisë, e përfaqësuesit e KFOR e NATO do takohen veç me ta.Ai tha se nga Kosova ka pasur iniciativë për ta implementuar këtë marrëveshje por pala serbe ka hezituar të marrë pjesë në takime.
E Gërxhaliu tha se kur ka marrëveshje mes dy shteteve duhet barazi politike e strategjike, prandaj “mos njohja nga Serbia e godet rëndësinë e marrëveshjeve”, deklaroi ai.
Sipas tij mund të ndodhin edhe marrëveshje të tjera përveç atyre të priturave.Kosova ka mungesë të diplomacisë ekonomike sipas tij, e Serbia ka bërë hapa progresiv për të lobuar për ekonominë e saj.E delegacioni i Serbisë ka ekspert të fushës, e droja e Gërxhaliut është se Serbia do vijë me propozime e skenare konkrete dhe Kosova do jetë e pa përgaditur.
