Mbrëmë ka ndërruar jetë një djalë i ri nga Kamenica si pasojë e Covid-19. Këtë e bëri të ditur kryetari i Komunës së Kamenicës, Qëndron Kastrati.

Kryetari i Komunës së Gjilanit, Lutfi Haziri, i ka dërguar një telegram ngushëllimi Kastratit, me rastin e humbjes së betejes me COVID-19 të Bersant Rahimaj.

Në telegram, thuhet:

“I nderuar kryetar, miku im, Qendron Kastrati. Me pikëllim e thellë e mora lajmin për ndarjen nga jeta të arkitektit Bersant Rahimaj, 27-vjeçarit që e humbi betejen me COVID-19. Ky rast na ka prekur të gjithëve sepse Bersanti shkoi në moshën më të mirë nga kjo botë.

Ky rast duhet të na ngjërgjegjësojë të gjithë për t’u mbrojtur nga ky virus i panjohur. Ju lutem, pranoni ngushëllimet më të sinqerta, ju, familja Rahimaj, shokët e kolegët. Zoti ua lehtësoftë dhembjen”, thuhet në telegram.