Drejtori i Shëndetësisë në Komunën e Prishtinës, Bujar Gashi ka thënë për Front Online se kryeqyteti nuk po ka kapacitet të mjaftueshëm për nga numri shëndetësorë.
Kjo pasi sipas tij, aktualisht 9 mjekë janë të infektuar me Covid-19 si dhe rreth 50 të tjerë janë në vetizolim.
LEXO EDHE: 25 lagje të Prishtinës të prekura me Coronavirus, prinë “Kodra e Trimave” dhe “Ulpiana”
“Realisht po kemi probleme sa i përket numrit të personelit shëndetësor. 9 prej personelit shëndetësorë janë të infektuar me Coronavirus dhe diku 50 të personelit shëndetësorë janë në vetizolim për shkak se kanë qenë raste të kontaktit”, deklaroi Gashi për Front Online.
Ai shtoi se nëse deri javën e ardhshme nuk do të shfaqen raste të reja me virusin, atëherë sipas tij, pritet që një pjesë e personelit shëndetësorë të kthehet në vendin e punës. /Front Online/
