Kryeministri i Kosovës, Avdullah Hoti sot gjatë ditës është takuar me homologun e tij nga Shqipëria, Edi Ramën, shkruan Front Online.

Pas takimit, përmes një postimi në facebook, Hoti ka thënë se Kosova dhe Shqipëria kanë mundësi ta thellojnë bashkëpunimin.

“Kosova dhe Shqipëria i kanë të gjitha mundësitë që ta thellojnë bashkëpunimin edhe më tej si partnerë të natyrshëm dhe strategjik në procesin e realizimit të synimeve integruese euroatlantike”, ka shkruar Hoti.

Postimi i Hotit:

Pata nderin ta pres kryeministrin e Republikës së Shqipërisë, Edi Rama, të cilin e falënderova për mbështetjen e përhershme që Shqipëria i ka dhënë Kosovës.

???? Kosova dhe Shqipëria i kanë të gjitha mundësitë që ta thellojnë bashkëpunimin edhe më tej si partnerë të natyrshëm dhe strategjik në procesin e realizimit të synimeve integruese euroatlantike.

Biseduam edhe për gjendjen e re të krijuar në vend, dhe theksova se Republika e Kosovës tashmë ka një kulturë të dëshmuar institucionale për t’i përballuar me dinjitet sfidat e tilla, që natyrisht nuk janë të lehta.

Me kënaqësi pranova edhe ftesën nga kryeministri Rama për ta vizituar në Tiranë, këtë të premte, më 3 korrik!