×
  • Lajme
  • Lajme

    Ismajli: Duhet kujdes maksimal dhe respektim i vendimeve të shtetit për parandalim të pandemisë

    FrontOnline
    19 Qershor 2020

    Nënkryetari i Komunës së Gjilanit, Arbër Ismajli, në konferencën me gazetarë të mbajtur sot, pas takimit me Komitetin emergjent për parandalimin e virusit Covid-19, ka kërkuar respektim të rekomandimeve të institucioneve shëndetësore dhe vendimeve të organeve të shtetit në mënyrë që të ketë sa më pak raste në Gjilan.

    “Janë 12 raste të reja që kanë dalë pozitivë në Gjilan, në rezultatet e fundit të Institutit Kombëtar të Shëndetit Publik dhe jemi duke vazhduar të marrim mostrat varësisht nga kontaktet që kanë pasur të infektuarit. Dje janë marrë 70 mostra të kontraktit dhe sonte i presim rezultatet e tyre. Edhe sot janë marrë mostrat dhe do të përpunohen rezultatet e tyre për të cilat do të jeni të njoftuar. Apeloj të ruhemi sa më shumë dhe t’i respektojmë rekomandimet që dalin nga institucionet e shtetit në nivel qendror dhe lokal”, ka thënë Ismajli.

    Ai ka konfirmuar se inspeksioni i Komunës së Gjilanit dhe Policia e Kosovës është vazhdimisht në terren dhe kërkohet që të gjithë ata që janë disgnostifikuar pozitivë në testet me Covid-19, të qëndrojnë në shtëpi, duke përfshirë kështu edhe të gjithë ata që kanë qenë në kontakt me ta, sepse krijojnë rrezik për përhapje të virusit.

    Ajhane Sefiu, drejtoreshë e Qendrës Rajonale të Shëndetit Publik, ka konfirmuar se tashmë në Gjilan janë 46 raste aktive me Covid-19 në Gjilan dhe gjendja e tyre është nën monitorim të vazhdueshëm deri në shërimin e plotë të tyre.

    “Lusim për kujdes maksimal të të gjithë qytetarëve në përdorimin e masave mbrojtëse. Të infektuarve u kërkojmë që ta respektojnë vetizolimin si masa më e mirë e tejkalimit të virusit”, ka thënë ajo.

    Alban Ramushi, komandant i Stacionit Policor në Gjilan, ka theksuar se veprimet e policisë janë strikte, duke njoftuar kështu ndërprerjen e aktiviteteve në dy lokale të natës, ku nuk respektoheshin rekomantimet e institucioneve të shtetit.

    “Apeloj te të gjitha bizneset që t’i respektojnë vendimet e shtetit, sepse në të kundërtën do t’u mbyllen veprimtaritë dhe do të ballafaqohen me ligjin. Duhet të përdoren masat mbrojtëse dhe të përshtaten me të jetuarit në regjimin e masave mbrojtëse. Për çdo rast apo shqetësim mund të kontaktojnë në çdo kohë numrat kujdestar 112 dhe 192 dhe do të jemi në shërbimin e tyre”, ka përfunduar komandanti Ramushi.

    Përmes investimeve, KEDS iu ofron rreth 10 mijë banorëve të Vitisë stabilitet energjetik
    Nga Rubrika
    Lajme06 Maj 2024
    Presidentja e Kosovës, Vjosa Osmani e ka uruar Jose Raúl Mulino për zgjedhjen si presidenti i Panamasë. Ajo ka uruar që të...
    Lajme06 Maj 2024
    Kryeministri i Kosovës, Albin Kurti, ka shkruar më parë në platformën “X”, për takimin që ka pasur me ambasadorët e Francës, Britanisë...
    Lajme06 Maj 2024
    Kryeministri i Kosovës, Albin Kurti, në një takim me përfaqësuesit e vendeve të QUINT-it: SHBA-së, Mbretërisë së Bashkuar, Gjermanisë, Italisë dhe Francës,...
    Të tjera
    Sport06 Maj 2024
    Edon Zhegrova ka shënuar një tjetër gol në kampionatin francez. Ylli kosovar ka shënuar golin e dytë të Lille në ndeshjen e...
    Bota/Rajoni06 Maj 2024
    Kryetari i PDSH-së, Menduh Thaçi, të hënën, dy ditë para zgjedhjeve parlamentare në Maqedoninë e Veriut, ka thënë se është lutur nga Kryetari...
    Lajme06 Maj 2024
    Ministri i Punëve të Jashtme të Rusisë Sergej Lavrov ka biseduar në telefon  për situatën në Kosovë, me kryetaren e Kuvendit të...
    Sport06 Maj 2024
    Përfaqësuesja e Kosovës ka shënuar një tjetër sukses kësaj radhe në sportin e hendbollit. Grupmosha U18 e hendbollistëve të Kosovës e ka...
    Bota/Rajoni06 Maj 2024
    Grupi militant Hamas thotë se ka pranuar propozimin për armëpushim të ndërmjetësuar nga Egjipti dhe Katari për t’i dhënë fund luftës shtatë-mujore...
    Lajme06 Maj 2024
    Për tre ditë Policia e Gjakovës ka konfiskuar 70 motoçikleta. Kjo për shkak të tejkalimit të shpejtësisë dhe kundërvajtjeve tjera. “Përveç masave...

    FrontOnline, © 2024 Të gjitha të drejtat e rezervuara.