Dy ngjarje tragjike tronditën dje Dukagjinin, sot bëhet varrimi i 20 vjeçares që u gjetë e vdekur në Gllogjan
E diela që iku ishte mjaftë e kobshme për Dukagjinin. Dy ngjarje shumë të dhimbshme ndodhën ditën e djeshme, që tronditën gjithë Kosovën.
Fillimisht një 58 vjeçar vrau një 16 vjeçare dhe pastaj veten në Vitromiricë afër Pejës. E më pas në fshatin Gllogjan të komunës së Deçanit, një 20 vjeçare u gjet e vdekur.
Brenda një ditë dy raste shumë të rënda ndodhën në ketë rajon.
Por familjarë të shumtë kanë bërë të ditur se sot bëhet varrimi i 20 vjeçares e cila u gjetë e vdekur , rastin e së cilës për Indeksonline konfirmuan edhe nga Policia e Kosovës.
“Sot në orët e mëngjesit, pas orës 06 e 10 minuta, policia është njoftu për një rast në fshatin Gllogjan. Kur ka arrit në vendin e ngjarjes, e ka gjet një trup të pajetë, vdekjen e ka konstatu edhe mjeku i Qendrës së Mjekësisë Familjare.Janë kryer të gjitha procedurat policore, njësitet kompetente të gjitha kanë dalë në vendin e ngjarjes. Prokurori i shtetit dhe me urdhër të tij, është dërgu për obduksion në Institutin e Mjekësisë Ligjore”, ka thënë zëdhënësi i policisë për rajonin e Pejës, Fadil Gashi.
Gjithashtu u theksua se e njëjta dyshohet të ketë kryer vetëvrasje.
Varrimi i 20 vjeçares bëhet në fshatin Gllogjan të Deçanit në ora 18:00.
