Ministria e Shëndetësisë ka njoftuar për masat e reja ndaj pandemisë, ku në vend të testit të obliguar për COVID-19, qytetarët që hyjnë në Kosovë do të kontrollohen në pikat kufitare nga ekipet mjekësore apo QKMF brenda komunave.
Këto vendime janë bërë të ditura nga ministri I Shëndetësisë, Armend Zemaj përmes një konference për media, ku u morën edhe disa vendime të tjera.
“Pas analizës së bërë, me hapjen e kufijve me lehtësimin e masave, IKSHPK-ja rekomandon: 1. Kontrollin e detajuar mjekësor të qytetarëve që hyjnë në Kosovë, 2. Kontrolli kryhet sipas udhëzuesve të OBSH-së, matjen e temperaturës, shenjat dhe simptomt klinike”, tha Zemaj.
